ماعد اهناك سعاده *** من يوم ما خذو ريدي كحيل هماده..صب فانتا

من طرف **زهرة اللوتس** 2012-02-26, 7:38 am

واحد مشا يحضر في فرح صاحبته ...بعد جا العشا قالوله مريندا والا سعاده .....
قاله /
ماعد اهناك سعاده *** من يوم ما خذو ريدي كحيل هماده..صب فانتا..!!
رد محمد السياف /
صب م الليمـــــــــــــــــــــــــــــون *** غاب الزها من غيبت المرهون
ملطوط القسامي حالتي بالهون*** وعايش امعيشه في صغا مرماده
رد Abdalaziz Mohamed /
صب لى ماالشــــــــــــــــانى *** متضايق وعقلى فالهموم يعانى
توا حتمت أنه عزيز نسانى *** وخان الغلا عنى احرم ميعاده
رد ادهم ابن اجدابيا /
صبلي مالشـــــــــــــــــــــــــــاهي ***بطلت مشروب العصير الباهي
..لي وقت متخذر وعفلي ساهي ***وحارم اعيوني من لذيذ ارقاده
.غايب عليه عزيز ماهـــــــو زاهي ***دمعه تحدر سيل ياوداده
رد عزايم عزمى /
صب لي نسكافــــــــــــــــــــــــه ***عزيز فالغلا وثق أمعاي أخلافه
حط القسم غيري اليوم أصدافه *** في جرته تمت عيشتي مرماده
رد خالد الزول /
صبـــــــــــــــــــــــــــــــلى مالدايت *** منحاشن عزيز اليوم عهده فايت
من يوم فقدته ناره امعاى تحايت *** ومسع القيت الها ولا براده
رخانى كما زامق طعامــــــا بايت *** قدام الفريق وربنا واعباده
صب طاسه مــــــــــــــــــــــــره *** منحاشن خذوا منى هذيك الغرا ..
نا ابطلت من ياسى ونا انتــــبرا *** وعاند امعاى القسم ضرب ازناده ..
خلت على الساكبه منضــــــره *** من يوم حجرت عنى وهى بداده
لوكان ياعلى شحات ننفض صره *** معى واجدا سا ينصبوا ميعاده
صب امصـــــــــــــــــــــير *** منحاشن الغالى فالعهود تغير ..
معاها زما نا حلو راح امتير *** وابروحى ابقيت اتقول وسط حماده .
رد محمود زايد /
صبــــــــــــــــــــــــــــــــــلى ميرندا*** منحاش بختنا بالهون مابا يندا
راه خوك فالشربه غرض ماعنده ***لوكان صاد ما ينصب الا ميعاده
على بوخجل مايح اطناشر قنده *** امعطب نهار المشط والكداده
ايزنكل وسود وكيف جيش اوغندا *** امغير هذا قاهرنى لميع سواده
جو الدنيا نو /
هات صبلي فربّيه ...عزيز فاتني بالطول حي عليه ...لاعاد نبي جييه لانبيه ... ولاعاد نرضى عيبته وعناده ..
ننشد أوما دلوني /
سليمان صب لي مالزرقه"""كنيب تنزل لهاليبه وماعدترقى""""فراق بوحداجه لي مالا حرقا كي حرقة المحصول يوم احصاده"""""ماعد هناك سعاده
lharram Libya
لا تصب لاني شارب ,,,,,, ولاهانك نيه راه عقلي خارب
رخاني عزيز اليوم فات القارب ,,,, وكسر مجاديفه وفك اوتاده
صلاح أعبيد .
.صــبــْــلـــــــِــي رِيِدْ بُولْ
نِـبـِـي أنـديـر جِــنــْوَحْ و الـغـوالـي انطولْ
حتـى انـكـان يـاسي عالقسامي ايجولْ
و امـكـبـّـل اقـدام الـقـسـم مـالـحـساده
و سـاحـب اكـلاش الـعـمر مـو مــذلـــولْ
و أمــــوجـّـهـة شــوري و واتـــي ازنــاده
مـازلــت مــيْ تـــارك هــــذيــــك الــزولْ
و مـــازلــــت نـمـلـك فــــالـحـيـــاة ايراده
و مــازالـت فـالمشاكل لي شوق احلولْ
و مـــازال قـــلــــبـي مـاعـلـنـش احداده
Achour Kamel
/صب لي يوقا .... راهي الكبده مشيطه محروقه
مللي تركني في صهايد شوقه .... الله يجعله محتار دون انداده
ناريمان احمد /
صبلى مالقـــــــــــــهوه *** فقدة اعزازى جايتنى سهوه
باكيه عليه وما نريد النهوه *** وبقول اسكتى دمعى ايزيد ازياده .
chour Kamel /
صب لي ببسي ... بالكش ننسى وجيعتي من حبسي
وغير زيدني مع الكاس شعل سبسي..راهي نفسي اوجاعها في زياده
و من ليعــــتي ما عدت طايق لبسي .. و لا نطيق زوله و لا نطيق رقاده
رد الشاعر على شحات /
صب شاهي مرّة // وخلَّيه الغلا برضا يموت بسرَّه
هالوقت ماعد شي اهناك مسرَّة//طعم الحياه اليوم علَّقم صادة
االا الحلو تلفالي معاه مضرَّة //لوكان نشربه يرقا الضغط زيادة
علي شحات رداً على فوضوية
صب لي م الوسكي .. خليه تطير عطور ريحة مسكي//
من يوم ارهنوه يكون هذا نسكي // خمر وضياع كما غريب بلاده
عبدالباسط الفالح /
صب علقم صافي
من يـــــوم رايح بوغثيث مسافي
اللي امعاه تمت شرهتي وريافي
مــن هـــــالساعة البايخة بازيادة
حفـــلت رحيـــل عزيز تو اصدافي
وميــــت علي علقم دوا يا سادة
bdulsalam Beka /
صبلى مالكولا من يوما عزيز اليوم غائب زولا ... والعيشة بلاه اتكون مى معقولة اعيون من ثقل شيلة عالصيادة .... لكن الله امقدرا مرحولا .... ولطن قساميا اخرب ميعادة
الشاعر بدالحميد بطاو /
صبـّى لى من السم ... منحاشن اللى أنغالوه مايقسم ...وكيف ماحرك بختى وشوره هم ... جاه العطاب ومرطزه كى العاده...تهايا غلاي أبقيت فيه انضم ...لاوينى حاضن عقاب أوساده
صبلى بوطـاس ... وزيـد لى على موح الغوالى ياس ...من حاش الخطا باديه مالأساس ...صيوره بعد مده إيبان فساده ... ويقعد أبروحه يهلبوه الناس ...ويبقى أمهبى فى كساد كساده
رد الشاعر قدوره العجني /
صب شنينه ... خير من مشاريب الخليط الشينه
وتكون قارصه تبقى تمضمض فينا ..ياك خاطري ينسى فراق مراده
وسيبني انشيل الصوت في تركينا...تهوين في غلا غالي اذهب ميراده
سبلنا غلاه ومات بين ايدينا...لا غسل لا تكفين لا لحّاده
غلا بلاش ياخالد مشا طانينا...لوكان في ملاطم رقبتي سدّاده
Gwaher Libya /
نا نريد أميه... ترا صب يا بو الزول حتى شويه
ونرقا نباااارك للعزيز عليا ** هذي فزعتي ** في ضيعة القسمية
Salem Mohamad /
صب صودا مرة ...عندي عقل من صوبه عزيز تبرّا
اللي قبل كان ايسال مرة مرة .... اليوم غاب لا طلة ولا نشادة
اسباب الجفا غابي وغامض سره ...الله وعلام من فرعة عرب حسادة
لوكان غير لوعات الغلا اتقرا .. راني فلوعاتي خذيت شهادة
ونمشي بعد مدة ايفاد لبرا ... ونرجع ونا في لوعتي العمادة
وجميع من ايقلبل دمعته منهرا ... نواسيه ونعلق عليه اقلادة
تاج النساء محمد/ .
صبلي سبرايت ( sprite ) ..
من حاشن عزيز اليوم صوبي فايت
خان الغلا خلا العقل شتايت
التمن عليا جفوته ونكاده
والخاطر استوطن في اوهامه بايت
حرم علي قلبي لذيذ ارقاده
ودعاي يا مخلي الجروح تحايت
نهار ميتك ما تنولها الشهادة
وسام السياف /
صبلي م السفن.....في ضنك بعد فرقاه ايغمض جفن؟؟.....لدموع جفن والعيون اتلفن....نشلى عليه ودمعتي بداده......تماصا شرابي والعروق انشفن.....قريب م الكفن تميت لللحاده....نستاهل علي غنواه موت ودفن....ويشلن علي وينصبن ميعاده.
سنفورة ثائرة /
صب كوكاكولا ....فاتني عزيز بالله كيف انطوله .....عذب قليبى ياسر..ماعاد نبي زوله....لاعاد نرضى جيته لاعناده
فاطمة المقصبي/
صبلي( أناناس)
من يوم رحل عنك أنساه خلاص
لاعاد يلزمك لاتحسبه من الناس
وإلي يبدلك بالفول بدله بقشوره
عزايم عزمي
ما تصبش حاجة
اليوم خاطري ضايقات ملاجه
جن لفراق رقي عليه عجاجه
وحال بينا بالغصب مو بالراده
وفي من كلام إيصغر في عيون الساده
قبل لا تنطق يا رفيقي حاجة
أحسب حساب القدر والعرف والعاده
خالد الزول ردا على عزايم /
ما تصبش شى *** فاقد اعزاز وحايسات على ..
وحامد الله انزلت قاعد حى *** بعد فقد غاليتى اللى نشاده..
وامعا هالخلايق كارهك يادى *** كيفك عزايم كان موش ازياده..
تاج النساء محمد /
صبلي م القاز ..
خله ينسيني سريب اعزاز
قعدنا كما عركة بلا حزاز
هم قندوا وانا لهم قناده
اللي بينا مكسور كي القزاز
وطروف القزازة ما لهن لماده
سريب الغلا يبي جهد فزاز
ونا جهدي كايخ عيشتي مرماده
ما عاد هناك سعاده ...
محمد الحاسى /
صبلي يا خـــــــــــــــــــــــــال***بختي عطيب وهقني هالحال
مشتاق لغوالي قسمهم مازال**امذيبلين حالي دمعتي بداده
ونا ملتهف تاعب وراني مــــــال**طال الرجا والحــــــت زاد ازياده
سيد الخواتم /
لاتصبلي مقهور وخذتي مرادي ماتريد حدور شرشفت لوعته ونامجبور مرار مر مالحنظل علي الحلباده
Abo Omer ·/
صب من المدسوسة ,,, ما دامن اللي عاهدت هاي عروسه
وخل الكلام يكون لوطا روسه ,,, بالك انطفي نار ما اتماده
ريت عقل خيك كيف جاته حوسه,,, وريت كيف تطروها انزيد ازيادة
وريت كيف من عاهد طعني موسه,,,, تريت في النسا ما تلتقي ودادة
ماعد اهناك سعاده *** من يوم ما خذو ريدي كحيل هماده..صب فانتا..!!
اشكركم جميعا دون استثناء على الردود الرائعه وان شاء الله ما نكون نسيت حد عنده رد ....
دمتم جميعا
اخوكم خالد الزو
هذا واحد على الفيس داير هالردود هذه بين اصدقااءه..

من طرف اسماعيل ادريس 2012-02-26, 4:58 pm

مشاركه رائعه...وفقــــــك الله وننتظر منــــك المـــــزيد

من طرف **زهرة اللوتس** 2012-02-26, 9:44 pm

شكرا لمروركم الرائع..وفقكم الله

من طرف ابراهيم المغربي 2012-02-26, 10:00 pm

ونا انقول صبلي مالكاس حليب ابيض راني انسيت خلاص
غلا من امخلي خاطري منحاس كنيبا ايروق العقل من موالا
وننسى جميل الوصف و المجلاس و نشقى ابجديد الي كيف حالي حالا
شكرا زهرة هدة محاولة عشان خاطرك ماعد اهناك سعاده *** من يوم ما خذو ريدي كحيل هماده..صب فانتا 492686

ماعد اهناك سعاده *** من يوم ما خذو ريدي كحيل هماده..صب فانتا 492686

من طرف **زهرة اللوتس** 2012-02-27, 7:13 am

تسلم ايدك..صحيت خوي ابراهيم...
شكرا لمروركم الرائع..وفقكم الله

ماعد اهناك سعاده *** من يوم ما خذو ريدي كحيل هماده..صب فانتا

ماعد اهناك سعاده *** من يوم ما خذو ريدي كحيل هماده..صب فانتا

رد: ماعد اهناك سعاده *** من يوم ما خذو ريدي كحيل هماده..صب فانتا

رد: ماعد اهناك سعاده *** من يوم ما خذو ريدي كحيل هماده..صب فانتا

رد: ماعد اهناك سعاده *** من يوم ما خذو ريدي كحيل هماده..صب فانتا

رد: ماعد اهناك سعاده *** من يوم ما خذو ريدي كحيل هماده..صب فانتا