قصيدة.هى مادزت للشاعر المرحوم روفة الدعبوب..رحمة اللة

هي ما دزت
وأنا زاد ماد زيت نفسي عزت

جرت بينا غيبة

لا لفوا ابعللها


ولا يوم مرسالي نهار اوصلها

لا دانت ولا قالت ولا قاللها


سبحان كيف نيتا ونيتي كزت

اصرمد اشوي عقلي علي منهلها


لا شارفت هاوت ولا ارسالي لزت

لا حكت ابغلاها


ولا وضحت لنا اسباب خطاها

لا ابرجلها جالت ولا هو جاها


ولا هو عزا داره ولا هي عزت

ولا بينا حلت ابوب سفاها


ولا بكذب على الفاضي عللها مزت

عفيفة ورضيت ابما الله عطاها


ع الغير نقضت ونحنا علينا جزت

لا جبد طاريها


ولا جبدات ماضيا ولا ماضيها

نصيب ماجرا والنفس موش سفيها


ورضيت ابها رادت الله واتعزت

عزيزة وعزت ونا اغليت عليها


وعرجون الغلا لنا اثمارة هزت

وفي وقت ماضي كنت متمنيها


ابقول مرحبة لا جيت ليا فزت

واليوم الغلا مفقود في اوفيها


مال كل حد منا القوله حزت

لا بعث سلامه


ولا سلام من صابغ اسود اميامه

ولا لام ولا عدت عليه ملامه


ولا بميل وقته موقفه استفزت

ولا نادمه لاهو ابلى ابندامه


ولا هو اهزي لا هي عليه تهزت

ساقهم غلا متقطعات اقسامه


يا ما رزاه وهي امعاه ترزت

وعدا نصيب احلامها واحلامه


سبحانه وفي لحظة ضباب اجزت

لا حكت ابسهاري


ولا ردحها ليا كي قديم وذاري

اقناع الحيا عني الوجه امواري


دوبينها شوري اخطاها دزت

ضنيته جفا ماعد اتريد اصداري


وصبرت صبرها وين م الروح اهتزت

ذريت غير ماقبل العون مذاري


بنتيل الغلا توبل وفوقه غزت

مشكور الساد احمد
وين طحت فيها ..

شكرآ.. من اجل المنتدى يطلع المدسوس

امنورتواغيرعرفت انك تهوى الشعر يهايشه

مشكورين على الردود

مشكور وارجو تطليع اكثر من المدسوسات

منور يامكتوبه

مشكوررر علي هذه القصيده الرائعه
وننتظر المزيد من قصائد الراحل المبدع
تقبل مروري اخي
تحياتي لك:
ااااااالمهندس

مشكور اخى المهندس

مشكور اخى على المشاركه القيمه

مشكور على هذا الطرح الرائع جداً

مروركم رائع