أنت مـــــن .. بيش نكرهك والا عليك أنحــــــن

من طرف **زهرة اللوتس** 2012-03-23, 9:49 pm

أنت مـــــن ...... بيش نكرهك والا عليك أنحــــــن
ترا قولي باللاه أنت مـــــــن
ما تنغــــــر ...... أنت مجرد شخص عابر مــــــر
ضحكتني تحسابني ننضـــــــر .... وتحساب كن سيبتني ننجــــــن
أوتحسابني أنكمل الليل سهــــر .... أوتحسابني نبقا عليك أنون
أوتحساب نبقوا بين كر أوفـــــر .... أوتحساب قلبي ماللبياض لبـــــن
كل شي كاين بينا أنكســــر .... البادي ظلم والسن راهي أبســــن
قرار من قلبي خلاص صدر ..... ما أنرد لو أكعوبك علي حفـــــــن
يا مسكيــــــن ...... تحسابني نبقا بلاك حزيــــــــن
صدقت روحك درتلك كميـــــن .... راه المشاعر يا أحبيب فـــــن
واخذ أفروحك فالغلا طاجيــــن .... غامرت ما تحساب طيرك جــــــن
عايش دروك ..... مخدوع جدآ واخذك غرورك
عندي تهدم يا عزيزي صورك .... تحسابني نبكي بلاك أنئــــن
أوتحسابني نشتاقلك وأنزورك .... وأنت عليا بالحنان أتمـــــن
أوتحسابني جدآ غريق أبحورك .... نجري وراك أنابشك وأنرن
أوكل الحقيقة أفراقنا مخسورك .... أنظاري ملفك يا عزيز رمــــن
بلايا مؤكد تنكسر سيورك ..... أويظهر جنونك كيف مستر بــــــن
منقول