لوفرضنا ليدين من بعضهن ياعزيز نفضنا تقدر ع النسيان

من طرف **العاشق الصغير** 2012-04-04, 12:41 am

و أفترضنا .. ليدين من بعضهن يا عزيز نفضنا

لو أفترضنا .. ليدين من بعضهن يا عزيز نفضنا

لو أفترضنا ....... ليدين من بعضهن يا عزيز نفضنا ....

نقدر على النسيـــــان ....

**
... فرض رضينا ...... الواقع رضخنا وع الاحساس وطينا

وفرضاً الفرقه والبعاد نوينا .. وما أضغوط هاللي كارهين رفضنا

وفرضاً ورقنا والصّوَر شقّينا ... وعزَقنا هدايانا عليهن غضنا

ظنّك إيموت وينتسي ماضينا .. ويبرد مع طول الايام رمَضنا ؟

وظنّك إيجافي موجنا شاطينا .. ونجفوا جناين في عفاهن رضنا ؟

وظنّك إيموت الشوق فيك وفينا .. وصورك اللي فـ القلب ما تنقضنا ؟

وظنّك خيالك فـ الوعَى مايجينا .. ولا نوقظوك بحلم لا توقظنا ؟

وظنّك أن صادف يوم وتلاقينا .. ما يرقّ لايّام الغرام غرَضنا ؟

وظنّك أتغضّ الطرف وأتجافينا ..ولاأتقول حيه لو نرتمي في حضنه ؟

وظنّك الدمعه ماأتفيض علينا .. ليا كان ع الماضي حديثاً خضنا ؟

وظنّك أنردّوا عن إيديك إيدينا .. ما ننهضوك أن طحت لا تنهضنا ؟

فرض أحتلنا ............ رضينا الواقع والفراق أقبلنا

وفرضاً نسفنا للرياح جبَلنا .... والاعلام قدّام الظروف خفضنا

وفرضاً مشينا حسب رادة هلنا .. وبجديد عن ماضي الغلاء عوّضنا

ظنّك اللي تمّوا بدايل لنّا ..... على أكفوفهم نلقوا دواء لمرضنا ؟

وظنّك إيصيروا شغلنا ومَشغلنا .. وأمعاهم أشرود البال ما يقرضنا ؟

وظنّك إيطُولوا روق في منهلنا .. وأتبان زبدته لو المخيض مخَضنا ؟

وظنّك وظنّك شوق ظنّك قلنا .. وفي كلّ ظنّك ظنّ بيه لفظنا

لا وحقّ من دمّ ولحم جاعلنا .. وعلى أمانته يغضب أن ما حافظنا

لا نخذلوك ولا اللي تخذلنا .. ولا انفرّطوا فـ الصوب لا فـ بعَضنا

على العهد نين إيلمّنا منزلنا ...... والاّ ملاك الموت يتعرّضنا
م ن ق و ل