ياشهيــد اعذرْنــا !!!!!

من طرف **زهرة اللوتس** 2012-04-12, 12:22 am

ياشهيــد اعذرْنــا ..

معاك انقرضنا ياشهيد اعـذرنـا ... تنفيذ الوصـية ما عليه اقـدرْنــا
يا شهيد اوحلنا ... وكل الفضايح والذنــوب فعلنــا
... سرقنا او نهبنا وبالسلاح قتلنا ... طمسنا الحق وكل شي زورنـا
درنا كتايب بيش تحمي هلنــا ... نهبْنا المخازن والسلاحْ طمرْنا
زغـنا علي درب الصواب أو ملنا ... امفيت في مصالحنا معد فكّرنا
حتى الحـــرام بجهلنــا حلّلنــا ... فيـه لا تحشّمنا ولا قصّــرنـــا
ابسنّة رســول اللــه ما اتصلنا ... وحتى كتابك يا اللـــه هجرْنــا
وليبيا عليها اليــــــوم ما عدّلنا ... حرثْنــا او غرسنا شرنا او بذرْنا
او وين ما نحقوا صورتك تخجلنا ... وعارفين دمّك هو اللي حرّرنـا
ولكنْ جرايمــنا او شين عملْنا ... علينا طغن وين ما وراهن سرنا
معاهـــن تريّحنــا او ما حاولنــا ... انديروا بعدهن ساترة تسترنا
يا ويلنـــا كان القبــــــور دخلْنا ... بكرة يشهدنْ يحكن علي ما درنا
انتا مبتسم واحنا اليوم شملْنا ... ظلام المعاصي بالسواد غمرنا
اللـي باقيـة بالفـانيـة بدّلـنـــا ... بكرة وتــوّا ضايعـيـن اخسـرْنــ
منقول

من طرف **جمال المروج** 2012-04-12, 12:28 am

اللهم اكتبنا من الشهداء

من طرف pure heart 2012-04-12, 12:35 am

اللهم آمين ..

مشكورة زهرة أبيات رائعة

من طرف homeland 2012-04-12, 5:07 am

مشكورة زهرة ... ياشهيــد اعذرْنــا !!!!! 999507

من طرف **زهرة اللوتس** 2012-04-12, 12:38 pm

شكرا لكم لمتابعتكم الدائمة.وفقكم الله

من طرف **العاشق الصغير** 2012-04-13, 10:28 pm

مشكـــــــــــــــ زهرتنا ــــــــــــــوره

من طرف جمال طاهر الفائدى 2012-04-16, 5:33 am

[scroll][/scrolاغرب تمينا... فى الناس فى الزمان العيب ازغما ولا فينا. فى اديارنا لكن اغرب تمينا..
وادت الجافى وله رادحت وجافبت الوافى...وفيهن استغربنا اللى جا لافى...وشاويين فى عين القريب وعينا
والحق كان عنده نور نورا طافى...... والباطل ابقى ضيا ادقول مدينا
زمان لعدوك اخياه موعاد صافى.....والزين راك انتا ظريبة زينا
اغرب تمينا.................
اغرب والخيرا غريب فى ديارا فى زمان الحيرا..
ويجيرنا الله ويجيركم ويجيرا........من عصر انقلاب القيم وموازينا
خيره ابقى شرا وشرا خيرا... والزينه عطيبه والعطيبا زينا
واللى يكربك له عرق دم وغيرا....وتبيه يرفع للنجوم جبينا

لدار عز تنوى تنشلا من غيرا.... للغير يهزلك ياجد العز ايهينا
ولاعد الغيض غدير نين غديرا.....له ساعه ايجف وينتسا فى حينا
خوك انتغيض من امور صغيرا.... ايبات لعدوك بما اتجيب ايمينا
واوصاف الاجواد الطيبه الشهيرا.... اللى هن وهلهن عازت علينا
اسموم ضخهن شايب الدم كبيرا.... واللى فيه منا بات منا فينا
واللى طوحوهن نايلين شكيرا..... السابقين هم والعاقبين ابقينا
ربونا على سيرة اسمح السيرا.... ما ازرعوا فينا طيبا ولدينا
اغرب تمينا**** فى الناس فى الزمان العيب ازعما ولا فينا***** فى اديارنا لكن اغرب تمينا***
وهى الصادقه

ياشهيــد اعذرْنــا !!!!!

ياشهيــد اعذرْنــا !!!!!

رد: ياشهيــد اعذرْنــا !!!!!

رد: ياشهيــد اعذرْنــا !!!!!

رد: ياشهيــد اعذرْنــا !!!!!

رد: ياشهيــد اعذرْنــا !!!!!

رد: ياشهيــد اعذرْنــا !!!!!

اغرب تمينا