100 قرام كرامه/

من طرف جمال طاهر الفائدى 2012-05-08, 5:30 am

قصيدة للشاعر أدريس
الشيخي الله يرحما ويسامحا

والمعروف أن أدريس
الشيخي رحمة الله عليه لا تجيد قريحته بالشعر الا عند حدوث موقف معين امامه

وهو من الشعراء
القلائل الذين لم يمجدوا الطاغية ولم يحضروا مهرجانات الشعر الشعبي في حياته

وفي احدي المرات التي
اقيم فيها مهرجان ومسابقة الشعر الشعبي .؛ اتي إلي أدريس الشيخي بعض

الشعراء يدعونه لذهاب
معهم ،، فقال لهم أدريس الشيخي

[منش فاضي
،،،، قالولة ايش عندك..،،، قاللهم سارح ....

قالولة ...
مع ايش سارح...،، قاللهم] وسارح هنا تأتي بمعني يرعي .. أي أنه
شبها حالته بحالة الراعي

سارح مع مية اقرام
كرامه *** خايف عليهن م الدهر و ايامه

نرعي فيهن ***
خايف إيضيعن وين ما نرخيهن

وموالف مع التمويل
وانداجيهن *** كيف تلد شارفن تجيب توامه

وفيها نصيب حليب
وتربيهن *** يروي جنينهن لعند يوم افطامه

شوي غير للذياب ما
نعطيهن *** اللي في الرمايم ينهشن شلغامه

وليام كيف تقدعهن علي
ماضيهن *** تلقاهن إيدورن ريحن برامه

أوقات يضحكلك نين
تزهي بيهن *** واوقات ما يدن مغير ندامه

من واجبي نرعاهن **** يا صاحبي مردي
الحياه بلاهن

عندي زريبه في البساط
احذاهن *** خير من اقصور مشيده بفخامه

تحقا مزوق من بعيد
أبناهن *** من رزق الحرام اللي عطيب اختامه

خوان الدهر ما من
اجيال طواهن *** خلا أقصورهن فوق الوطاه حطامه

مية اقرام بواهي **** في ها الوقت اللي
الناس ملاهي

هذا فضل نحمد عليه
ألاهي *** ما أنتبعك يا نفس يا لوامه

وكي نتبعك نجني علل
مو باهي *** وفا اخر النهار نطيح في دوامه

ونلقي جميع اللي
عليها ساهي *** موش قول قال ولو علل ذمامه

والدنيا أفلام
وطنطنه وملاهي *** ولكن وراي القبر والردامه

ولكن المولي ما ايخيب
جاهي *** يغفر الذنب اللي كبير أرقامه

سارح مع مية اقرام كرامه****
خايف عليهن م الدهر وايامه

لله درك يا ادريس الشيخي
علي عفة النفس ورباية العصر رحمك الله

من طرف ابن الباديه 2012-05-08, 7:22 am

نرعي فيهن *** خايف إيضيعن وين ما نرخيهن *** وموالف مع التمويل وانداجيهن *** كيف تلد شارفن اتجيب توامه .....

وفيها نصيب حليب وتربيهن *** يروي جنينهن لعند يوم افطامه ***
شوي غير للذياب ما نعطيهن *** اللي في الرمايم ينهشن شلغامه ....

وليام كيف تقدعهن علي ماضيهن *** تلقاهن إيدورن ريحن برامه ***
أوقات يضحكلك نين تزهي بيهن *** واوقات ما بلدن امغير ندامه ....

شعر رصين ... استعاره من البيئه للتعبير عن قبم ومعاني راقيه ...

من طرف **العاشق الصغير** 2012-05-10, 2:07 pm

مشكــــــــــ وبارك الله فيك ــــــــــــــور

100 قرام كرامه/

100 قرام كرامه/

رد: 100 قرام كرامه/

رد: 100 قرام كرامه/