مانـــــــــــــي ماوي

من طرف **العاشق الصغير** 2012-05-11, 4:42 pm

ماني ماوي
وصيت يا عيني بفيض تقاوي
سبب غيبته عالدمع

*****
قوّي سيلك
بعد قلتلك من قبل شدي حيلك
علي من مضي تمّ بلاه دليلك
حاير وخلا لك نصيب حكاوي
تحكي بهن للي نوا يصغيلك
وللي عياطك بالكات امساوي
ولو كان ما سدك عليهم ليلك
اسّاع ليل نلحملك لحام اسطاوي
*******
دمعك حرّي
ياتنعمي يا بشوفته تنقرّي
مغير اطمري عياطك اصحيك اتعرّي
نحيبك بها تكثر الناس دواوي
اخرى ينشدوني وهات كيف انورّي
ونشرح انّي جارن علي بلاوي
سبب عين سوده غايبه وفي ضرّي
مساهم وكنّي به الغيبه هاوي
حتى وين ما نسكت انتي تنجري
ورا سرد موّاله اتقول رشاوي
عاطيينك تبقي عليه اتورّي
فلوس الزكا وطبن على ايد بجاوي
عليه عن ايمينك واليسار اتهرّي
وعارفه البكا عندي عليه شهاوي
انقوللك..سبب جفوة مرادي شرّي
**** من ماقي مرايف غاوي
بالك مع بكيك غصايص مرّي
يبرن وننسى بوغثيث ثناوي
اللي كادني غيابه وخلا سرّي
خبر منتشر كي فوح حرق الجاوي
انوصّيك من صوبه اصحي اتّبرّي
ولا من مواهيمه ايدين ملاوي
اتديري وما تنسي عليه اتمرّي
سريب القديمه لابسه السماوي
اللي ذيبلتني ابقيت كي المتعرّي
بلاها وخذاها كي نسبها ازواوي
علي نواحك وانعمي وانضرّي
سيّان ما عادش اتفيد رجاوي
ولا عاد ايجيبنّه اقسام وجرّي
علي شطب ذكرى اللي وجيهه ضاوي
خلاص انقلب ع الخير تمّ شرّي
فارس وبجيوشه بقي متقاوي
********
سيلي ديمه
عليه في النهار وساعة التظليمه
على اللي بعيد عنّي وبلاه جريمه
الفرحه وقلبي من بعاده حاوي
قهاير التمّن عرّمن تعريمه
كما حمول فوق امعوجه اللغاوي
خذنّي اوهامه ومالقيت عزيمه
ولا القيت من يفزع الجرح ايداوي
ظليمه بعدها ماهناك ظليمه
عليك حظ عاثر ريت ياس مخاوي
ميل الزمان وعرّضو بشرّيمه
والاخر موتّي فاس قيسه ناوي
يحوز دون ريدي اللي بلاه هشيمه
تمّيت مكسور الجناح وطاوي
حكايات مرّه من جفاه وضيمه
وجرحه اللي محجّم عليه وكاوي
الحاصل الدنيا عندها تبريمه
مغير نا ف طريقي مكثّره الفجاوي
تعاون علي نقضة جروح قديمه
وتحايي مواجع كاينات براوي
بلامال فيها اللي كبار القيمه
الناس يجلدوهم يشربوا المصاوي
وبالمال يبقى اللي حشاك بهيمه
شعنان سابق رتبته هدلاوي
انعاود علي مدعى عيون الريمه
غيابه مكدّيني وعقلي شاوي
نقمار ربّط لافته شكّيمه
حوستي بلا شوفته سليم عضاوي
*******
ماني ماوي
وصّيت ياعيني بفيض تقاوي
سبب غيبته

م ن ق و ل

من طرف فرج احميد 2012-10-28, 12:15 pm

تسلم اخى العاشق

مانـــــــــــــي ماوي

مانـــــــــــــي ماوي

رد: مانـــــــــــــي ماوي