حاسن على زماقه

من طرف **العاشق الصغير** 2012-05-11, 6:16 pm

حاسن على زماقه .. من ضيم الزمان .. وعلته وفراقه هاض موجهن
فايــض جمه ..الخاطر على خلوة هذيك الــتمه
الى قبل فيهم دوم عـالق رمه .. امصادرينه هول الزمان رفاقه
والى قبل فصالة التوب وكـمه .. على كل فاهق دارهم صــفاقه
منين ماطهق رونق عليهم نمه .. ردوا بعيبهم ذبلن جميع اوراقه
وتمن كوالح كى سواد الصــمه ..الايام دايرن برياحهن بزعاقه
خلاته على وجه الوطا ايــترمه ..وديما الخاين ضربته عــواقه
والى تشكره خلى مكـان ادمه .. واللى ليط لبدا ايطير ازواقه
مرات البنادم علته بن عــمه .. ايجى امصادمه فى الوجه يوم املاقا
كيف من ايربى هايشه فى كمه .. ولا مراعى ديب فى شـلاقه
حايســات غضابه .. من ضيم الزمان وعلته واقلابه
وريحة الى قبل اصحـاب نقابه .. وجوه الملاطم والاكبود شراقه
الى ايديروا فى الضيق على المــطرابه.. نهار فيه المكوغط ضبح وزاقه
لا دنقروا ولاهم من الهرابه.. ولا بالا بيطالى دوروا عيـلاقه
فدا الوطن صبوله اخيار شـــبابه .. الرومى تنابوله حنضل ضـاقه
كمين كوت يضامر جديد اركابه .. عليه صقر ججلوله على مطلاقه
حبس الخارمه نزل الحـوزه رابه .. طويل بوع ماخبل اسيور اسباقه
سبحان كيف جى ناقص الوقت احسابه .. وتم ايتلاصف كل يوم ازواقه
كمين قرم لو يشبح اليوم عــقابه .. بياعه كلام وع الخيا طــواقه
تبروا من الى حملوه ميعـابه..ولا اورثو من صيفة اطباعه باقه
مامن الى فى صيت من شــيابه .. عايش وهو يفعل لا بشطاقه
حشاكم امقلوب كلمته كــدابه.. ويحلف عليها من اليمين غراقه
كاميـــــات علايل ... ايغدن ودوم العقل بيهن جـايل
على اوهام كنن مقصده لسـايل ..نزالى على عافى قطاه ازاقـه
بنايت البيوت الى اتقول وكايل .. امخاوين بنت الميل دوم رفاقه
فحلها بتشبيره اذراعه شايل .. على تى تحلف لصقوه الصـاقه
يسكرف صمل قدامها ايتمـايل .. عمد وطن فيه امشكعه بــراقه
حدوها على قرح اسماح تــلايل .. جيابة تناها والكبود زهـاقه
اجواد قبل ماخبر عليهم قايل.. طراهم بعيب ولا اخطى منطاقه
والى عقبها جاب ترا زطايل ..ارقاق المسالك للعلل لـفاقه
اقلال العقيده عالحرام اتـحايل .. غرتهم الدنيا لليمين غـراقه
الى ضان حطوه فى اطراف السايل .. مصدارا لهم برميل فى صـفاقه

(((منقول)))

من طرف فرج احميد 2012-10-28, 12:14 pm

تسلم اخى العاشق

حاسن على زماقه

حاسن على زماقه

رد: حاسن على زماقه