اطريلي كان هناك خبر..

من اروع قصائد الوصف


اطريلي كان اهناك خبر....ايزيل كدر....بعد غالي للصوب نكر

اطريلي كان اهناك علل....ايحيد زعل....نظر يلفت عني يشغل
سريب الي ياعين ذبل....نواها شر....الغالي بومجدول حدر
زداوي تحت اكتوف نزل....شعيل اصفر....مع خزرتها مانقدر
زرقة العين علي مكحل....ميامي حر....العالي سبحانه صور
شكيع العرنين ومنفل....عليها جر....ايذيبل حالي كان خطر
اليوم نهاتي به جافل....مراره مر....بعد قالولي فلان احجر
رضا بالغير بنا بدل....ايش ايصبر....سنين بعد مرجاه نفر
..................................................
اطريلي كان هناك كلام....ايدير عزام....الواحد ينساهم وينام
الغالي لباس الهندام....نظيف ظهر....اتفوح عطاره فوح الزهر
منه ماطلنا انسجام....مغير قهر.... وناره في الجوف توهور
.................................................
اطريلي كان اهناك حكاوي....ياك نجاوي....من نيران عيون الناوي
منحلات علي فجاوي....متقطمر....بقوة صوت الياس صدر
تواره بومجدول ثناوي....ساق عبر....الوطن ومن ناره سامر

............................................

اطريلي ياصاحيب تقاعد...وين اديار هذيك الغرة
ساق رحيله زاد تباعد...فات الوطن حدوده برة
ناره في جوفي تصاعد...هد هدود الموح وضره
علي الناس مغير تماعد...كي ميعاد علوم الذرة
سوايا من نار المتباعد...قفيضة جني شينك زرة
هون يامولاي وساعد...لي اغفر...ذنوبي وعالتوبة نقدر

الشاعر بوبكر علي القديري العرفي