وين مالفا لا قوه ....... اعزاز ينشدوا ع العقل ماهنوه

وين مالفا لا قوه ....... اعزاز ينشدوا ع العقل ماهنوه
ولا هم أللي............ وين ما لفا لاقوه
وين مالفا هو بادر......... بقول مرحبا لاغبت لاني غادر
علي حين غر والشراب الحادر........ معا علو عقلي بالغلا رقوه
وينظر الوارد في اعيون الصادر....... تذريف السواقي وين ماداعوه
... ونا كان عندي مالعزوم شوادر........ اربوهن قبالا والهنا قلوه
ونصبر بلا لولاف ماني قادر........ ونجيت أل جفاهم جاه يامنجوه
وين مالفا لا قوه ....... اعزاز ينشدوا ع العقل ماهنوه
ولا هم أللي............ وين ما لفا لاقوه
وين مالفا يتلافا ........بلا حيل في روحا ايريد اولافا
حتي سمع ماتسمعوا برافا ........... من حاش الغنا ماعمركم قلتوه
(من حاش الغلا ماعمركم قستوه)
انتوا من منازل ناس موش معافا......... ان جت للبعيدا عمر ماتعطوه
وياما رجاكم دمعتا ذرافا......... من شان القبور ابكاه تحسابوه
وان قصر معاكم جد مي خرافا ..........الله لا يسامحمكم ان سامحتوه
وين مالفا لا قوه ....... اعزاز ينشدوا ع العقل ماهنوه
ولا هم أللي............ وين ما لفا لاقوه
وين مالفا في قولا ........ان قصر امعاكم تنحسب من طولا
مايل عليه الوقت برق اميولا........ قليل الثماير للخبر دنوه
العقل شورهم راغب قفز بحمولا....... يحساب الغوالي ان طاح يتقوه
هضاك الخبر كلا بطل مفعولا........ تخليت عدوك للجدا خلوه
شقا في غلا مبيوع رما حولا .......لوكان ايتمول هلا ماباعوه
وين مالفا لا قوه ....... اعزاز ينشدوا ع العقل ماهنوه
ولا هم أللي............ وين ما لفا لاقوه
......................................................................

تسلم انت والشاعر

شكــــــــــــ ــــــــرآ وبـــــــــــــــــارك الله فيــــــــــــــــــــك