حديث مشوق.بين بنغازي.وعبدالجليل.وعبد الفتاح!!

من طرف **زهرة اللوتس** 2012-06-19, 8:56 pm

حديث مشوق وجمييييل جدااااااااا

قـالـت بنغــازي
يا اجليل قول انبعنا , شهادة فتاح في الصميم وجعنا
وايلي ينشدك يا اجليل قول انبعنا
.....................................................
قـال فتــــــاح
انتم ايلي بعتوني , وانتم ايلي للموت دنيتوتي
جيتكم لبنغازي وكلكم فتوني , محمد ومذكور والتريس جمعنا
ردينا برتل الموت بعد مسكوني
اهم شي الخيانة مادرنا , طريق السلامة كانكم تبوني
راكم امعاي نين ماودعنا
..............................................
قــــــــالت بنغــــــــازي
مش بيدينا , تريس بنغازي راحو ما اتلوم علينا
من شرقها لغربها لفينا
على عداك صبينا النار ولعنا , ولا يوم خنا فيه لا ذلينا
معاك صافيين ووطنا جامعنا
وجانا معمر ما رفعنا ايدينا , الموت وحدة هذا الشعار رفعنا
قصفنا ودمرنا وما جرينا , جراد يمسح لا ما صفيرة سمعنا
وسرت الجربة العافنة اللعينة , ايلي فيها ارجال اخسرنا
خذينالك ثارك منها , وفيها النار ولعنا
خسرنا تريس في جرتك ضحينا , وكله ع شانك المر بلعنا
هضا القدر يا فتاح وبيه ارضينا , كثرن مواجعنا وطاحت بينا
واتجي في النهاية اتغيب واتودعنا ...!!!
ماتوجعك يا قائد , في جرتك راحو تريس شدايد
مافي حد في الدنيا عليك ايزايد , انت متت راسك فوق ماتوجعنا
عطيت حقها لبلاد زاد بزايد , رويت وطنها ايلي له معنى
رويت بنغازي بالدم الشهيد الرايد , ودمك عليها دين لو تسمعنا
,,,,,,,,,,,,,,,,,,,,,
يا اجليل قول انبعنا , شهادة فتاح في الصميم وجعنا
وايلي ينشدك يا اجليل قول انبعنا
..............................

من طرف الرسن 2012-06-19, 9:19 pm

من طرف وردة الساحل 2012-06-19, 9:21 pm

الله
ابيات جميلة ومؤلمة والله
ربي يرحمه ويغفر له .. ويسكنه وكل شهدائنا فسيح جناته
تاريخه نظيف ما في شي يشوهه ولا يقدروا الجبناء المتواطئين انهم يغطوا عين الشمس بالغربال
وربي يظهر الحقيقة

من طرف يوسف الصوصاع 2012-06-20, 12:09 am

الله يرحم البطل عبدالفتاح يونس ورفيقيه وجميع شهداء ليبيا الحبيبه وربي فالوجود واعلم بالحق وربي يمهل ولا يهمل

من طرف شموخ انثى 2012-06-20, 12:10 am

فى يدا جليل يحل المشكله ويحسم الموضوع

الله غالب

من طرف يوسف الصوصاع 2012-06-20, 12:21 am

هو في يده اجليل الحل بس مايبيش ايحله ليش وايش السبب اللي مخليه عبدالجليل ساكت علي اغتيال اللواء الشهيد عبدالفتاح *نحنا في البيضاء متأكدين كل التأكيد ان الشهيد عبدالفتاح بطل وثأير حر ولد اصل ولد ليبيا ومستحيل الف في المليون انه يخون ليبيا او ايخون ضناها او ايخون قبيلته المناظله صاحبت السمعه الطيبه

من طرف اسماعيل ادريس 2012-06-20, 12:45 am

اولآ بارك الله فيك اخي يوسف لهذه الشهاده في حق الشهيد وقبيلته التي نعتز بها
واما عن البيعه ..اجليل وااااااااااااحد ماللي باركوا البيعه وهو اللي قبض الثمن
وأصلآ عبدالجليل دوليآ من يعرفه حتى علي مستوى ليبيا... في ناس اعرفاته بعد الثوره
واللي خللوا الدول تعترف بمجلس الاقصاء والتهميش
هما الشهيد عبدالفتاح والدكتور محمود جبريل..كان عليه هو ضاعت ليبيا
واللقاءات الصحفيه اللي اجراها الشهيد اللواء ايام الثوره في بنغازي مشهود لها ولن ينساها له التاريخ والليبيين وهو يدافع عن مصراته والزنتان في ذلك الوقت
وربنا موجود وكذلك قبيلته وهله ,,وانشاءلله ياخذوا حقه من كل من تورط في دمه وشارك وتآمر عليه ..
شكـــــــــــــــــ حديث مشوق.بين بنغازي.وعبدالجليل.وعبد الفتاح!! 999507

حديث مشوق.بين بنغازي.وعبدالجليل.وعبد الفتاح!! 999507

ــــــــــــــــــــرآ وبـــــــــــــــــــــارك فيــــــــــــــــــــــك

من طرف شموخ انثى 2012-06-20, 12:50 am

اسماعيل ادريس كتب:اولآ بارك الله فيك اخي يوسف لهذه الشهاده في حق الشهيد وقبيلته التي نعتز بها
واما عن البيعه ..اجليل وااااااااااااحد ماللي باركوا البيعه وهو اللي قبض الثمن
وأصلآ عبدالجليل دوليآ من يعرفه حتى علي مستوى ليبيا... في ناس اعرفاته بعد الثوره
واللي خللوا الدول تعترف بمجلس الاقصاء والتهميش
هما الشهيد عبدالفتاح والدكتور محمود جبريل..كان عليه هو ضاعت ليبيا
واللقاءات الصحفيه اللي اجراها الشهيد اللواء ايام الثوره في بنغازي مشهود لها ولن ينساها له التاريخ والليبيين وهو يدافع عن مصراته والزنتان في ذلك الوقت
وربنا موجود وكذلك قبيلته وهله ,,وانشاءلله ياخذوا حقه من كل من تورط في دمه وشارك وتآمر عليه ..
شكـــــــــــــــــ ــــــــــــــــــــرآ وبـــــــــــــــــــــارك فيــــــــــــــــــــــك