وطن للبيع....

من طرف شموخ انثى 2012-07-01, 11:53 pm

عقارفى حالة جيدة يوجد به نفط و غاز مساحة كبيرة يطل على البحر المتوسط فاتشه 2000 كيلو متر على البحر
فقط يحتــاج لصيانة فى البنية التحتية وفيه مشكلة بسيطة
بس يبي جيش وشرطة وشحط فى الأمــن ماتاخدش منك هلبة ,
ويبي حكومة عندنا حكومة مستورده حاجه كويسة قاعده اصفــار ,
وعندك شوية مشاكل قبليـة مش ديمة حاجة بسيطة مرة مرة فى شوية قبائل
يتقاتلو ممكن تعديلها أو ألغائها و للأمـــانة يقولو فى تنظيم القاعده طالع فى شرق البلاد
لاكن مادورش شوية باسطة وصيانة بسيطة يتعدل ,
وعندك حاجه بسيطة فساد مالى حوالى 30 مليار يتعوضوا
وعندك الحق الصحة مافيش لاكن فى صحة تركية وتونسية نمشو بيها فى الأمور مؤقتا ,
الــوطن الفترة الى فاتت ديرناله صيانة وغيـــرنا النــظام كله
لاكن فيه شوية أزلام عالقين فى الصقف تبي خراطة ومسح ,
اللحمة الوطنية مية مية كيف ذابحين شوية شخصيات وطنية أصلية ,
بــس عندك شوووية ينادو بالفدرالية ويبو يقسمو للبلاد على تلاثة طروف
لاكن محلولة مايهمك فى شئ يبو سيرفس بسيط ممكن تجيب دكتاتور
يعدلهم ويتفاهم معاهم ,
بصفة عامة الوطن ممتــاز و مستقــر و فى حـــالة ممتــازة
بس ينقصه شويــة صبر موصين عليه بس قاعد فى الميـــناء
والأمـــور ميه ميه, وطــن حاجه نظـــيفة وســـعر كزيـــونى
حتى أسمه مميز ينقرا من الجيهتين
للأستفســـار : ممكن الاتصال :-

الرقــم :- خارج نطاق التغطية

من طرف اسماعيل ادريس 2012-07-02, 12:44 am

شكـــــــ

ـــــــــــــرآ وبــــــــــــــارك الله فيــــــــــــــــــــك

من طرف الرسن 2012-07-02, 2:08 am

من طرف محمد اللافي 2012-07-02, 2:18 am

اترابنا وحياتك ما انبيعوه وهذي المفروض يعرفوها اذيول الاخوان وقطر يقتلونا كلنا وبعدها يا خذوه

من طرف **حبة مسك** 2012-07-02, 7:51 am

توا قاعد للايجار ....لكن زي ماقال محمد وطنا ما نبيعوه

من طرف كدوع 2012-07-02, 10:06 am

هذا هو الأدب الساخر تضحك لوسائل التنفيذ"طريقة وتكنيك عرض الفكرة" وتتألم للدوافع والنتائج التي جعلت شموخ تكتب هذا ...لك مستقبل واعد ..... فقط لا أصدق أن عمرك 23

من طرف شموخ انثى 2012-07-02, 12:35 pm

كدوع كتب:هذا هو الأدب الساخر تضحك لوسائل التنفيذ"طريقة وتكنيك عرض الفكرة" وتتألم للدوافع والنتائج التي جعلت شموخ تكتب هذا ...لك مستقبل واعد ..... فقط لا أصدق أن عمرك 23

مشكور خوى كدوع لاطرائك الرائع

حفظ الله لنا وطننا الغالى

من طرف Faisal M 2012-07-02, 3:39 pm

طلعي الاسلامين و جماعه قطر اللي يبو الرائسه .

خلي القبائل تتفاهم مع بعضهم ... بالنسبه للازلام عطيهم شوي و بعدين حتلقاهم معاك لان حجتهم ضعيفه ..
لك الله ياليبيا ......

من طرف زينتا 2012-07-02, 4:17 pm

الموضوع قاريه في منتدى اخر ولكن نقل رائع بارك الله فيك

وطن للبيع....

وطن للبيع....

رد: وطن للبيع....

رد: وطن للبيع....

رد: وطن للبيع....

رد: وطن للبيع....

رد: وطن للبيع....

رد: وطن للبيع....

رد: وطن للبيع....

رد: وطن للبيع....