ياصاحبـى

من طرف محمد اللافي 2012-07-11, 2:40 am

ياصاحبـى ماهنـاك مـن نشكيلـه ...... قل الوفـاء اتخلـف حيـاة ذليلـهـ

يـاصـاحـبـى رد بــالـــك ....... ما ايغربك هاللى ضحك فى اقبالـك
ايجى من وراء يطعن ايبهدل حالـك ...... يقلـب حياتـك بيـن يـوم وليلـه
خونة الصاحب شى يخـرب جالـك ....... ومـا يـوم تلقـى للوفـاء تبديلـه
و يا صاحبى مانريد شـى يجرالـك..... كيما جرالى ومـا القيـت وسيلـه
خـوذ الكـلام ودوسهـم بانعالـك....... وراهى النصيحه فيك موش قليلـه

...ياصاحبـى ماهنـاك مـن نشكيلـه ....... قل الوفـاء اتخلـف حيـاة ذليلـه

مـــــــا تـغـلـبــهــم ....... هـم يمكـرو والله هـو غالبـهـم
اولاد الحرام راهو خبيـث نسبهـم ....... بذره مـن الشيطـان فيهـم ميلـه
والصدق ما ايقرب علـى مخطبهـم ....... ولاهم اولاد ا جـواد لاهـم عيلـه
ايقولو كلام وفى الخفـاء مطلبهـم ....... ان اتطيح طيحه ما الهـاش مثيلـه
ويا صاحبى خايـف عليـك كلبهـم ....... والغـدر فيهـم والنفـوس رزيلـه

ياصاحبـى ماهنـاك مـن نشكيلـه ....... قل الوفـاء اتخلـف حيـاة ذليلـه

اتــجــيــب الـــعـــار ........ صحبـة مثايلهـم امغيـر دمــار
لا الراس ترفـع لا اتجيـب فخـار ....... ما يعرفوا غيـر الكـذب والحيلـه
كثـيـريـن دارو دورة الـبــذار ....... يـزرع قعـر وادى امهـدر سيلـه
اصبـح متحصـر امـع الافـجـار ....... وايلـوم روحـه والدمـوع نهيلـه
ويا صاحبى واف صحبتـك تختـار ...... طبع الوفاء فيهـم صفـات جميلـه

ياصاحبـى ماهنـاك مـن نشكيلـه...... قل الوفـاء اتخلـف حيـاة ذليلـه

يا صاحبـى رانـى عليـك خايـف ...... ان خالطتهم تنزل انـزال ردايـف
ايجنك مصايـب شايـلات ستايـف...... ان يرفعوا اللى خف وايعقبوا الثقيله
يبرم عليك الوقـت تبقـى صايـف ..... وتعرف الراجل من عقاب اعويلـه
ومـا بينـا لا ارواق ولا الكلايـف ..... حتـى الميـه راه اتـروب قليلـه
هذا اف طبايعهـم وانتـا شايـف..... وذيل الكلب مـا ينعـدل فـى ليلـه

ياصاحبـى ماهنـاك مـن نشكيلـه..... قل الوفـاء اتخلـف حيـاة ذليلـه

الـشــكــوى لـــربـــى ..... يا صاحبى ما نـى عليـك امخبـى
حقـك عليـا وعارفـك متـربـى ..... لكـن امعـا الانـذال مالـك حيلـه
نصحتـك لوجـه الله فيـك وحبـى..... ولا العيب ترضى ولا الحياه الهزيله

ياصاحبـى ماهنـاك مـن نشكيلـه.... قل الوفـاء اتخلـف حيـاة ذليلـه
انريد ننصحك

الشاعر: الحاسي

من طرف فرج احميد 2012-10-28, 12:29 pm

تسلم اخى باش مهندس

ياصاحبـى

ياصاحبـى

رد: ياصاحبـى