يادار كيف الدوًا ... امفيت بوم والا ذيب حسه عوًا ابقيتي خلا

من طرف **العاشق الصغير** 2012-08-01, 3:15 pm

يادار كيف الدوًا ... امفيت بوم والا ذيب حسه عوًا
ابقيتي خلا
يا دار وين اسيادك ...ويا ما بطاريهم زهى ميعادك
وماتقول فوق هجين جا روادك..وجايب بشاير خير بيهن هوا
ولاتقول حاشن عالبيوت اذواذك...وهلهن جوايد صاحبين امروة
ولاتقول بوعدًا ضرب صيًادك...جاب مالجازي هميل الصوًا
يادار بادوا هلك كيف بيادك...انجا ذكرهم عقلي اذرذر جوا
وبـقـيـتـي خــلا
يا دار وين انجيبه ... سريب منو طاريهم عليه الهيبا
اللي صيتًم وين ما نبي نحكيبه ... يحوس خاطري وترعد سحايب نوا
نزًالة ديار اطراف بام جنيبه...اللي فقدهم فالعقل داير هوا
اللي انجيتًم غازي اصحاب دريبه...ايخشًوا علي سامر النار بقوا
وانكان جيتًم بالطيب ود وطيبه...تعيش بينهم تاخد اقدار الخوا
وبـقـيـتـي خــلا
يا دار منك عدًوا ... جوايد بعد طاب الرحيل ومدًوا
اشداد العزايم عالخطا يتندًوا ... حتى والدهر صاعب وفيه اقسوًا
عدّوا حيات حيات وين انعدًوا...كبار فقدهم منه اتقول امكوا
بقيتي خلا
يا دار ليك كلامي ... ويا دار ننشد عن اجواد مسامي
فراسين كسر فارعين منامي...ألهم ذكر فالتاريخ مو من توا
وهاللي ألهم عندا كريها كامي ... الله يجعله سوًه ايجي في دوًا
هل فارسا كيف الفليت الدامي ... شرب نين من دم الحبار تروًا
ولا عمر دنقر فالنهار الحامي...ولا في جبير عليه بي تحوا
يادار كيف الدوًا ... امفيت بوم واللا ذيب حسه عوًا
بـقـيـتـي خــلا
يا دار فيهم مارا ... عليهم اللي ننشد اكرام عصارا
عرب ينزلوا حومة اثليب القارا..الى واديا باسمه شهير تلوًا
اللي عزهم في كسبة الخوًارا..في وطن مالبدري سحابه دوا
مهاميل تلقاها تموج سكارى..فيه حشوها هو والغلاض اسوا
انزام الجمل تضرب عليه الطارا...تقول مير في حضرة جناب سموا
يادار كيف الدوا... امفيت بوم والا ذيب حسه عوا
م ن ق و ل