لو متت ماناكل اللي موطيب

اروع قصائد الشاعر المرحوم حسن لقطع الفاخري رحمه الله

لو متت ماناكل اللي موطيب
الخالق غني
واللي خلق مايسب

ولا ناكل المسروقة
ولانطارد اللي في السبب ملحوقة
غني بصبر واللي صابره مرزوقة
حتى لو بطى خير الكريم قريب
طعام الجفا نقذاه قبل نذوقه
مفطوم ع العصر عايش معاش يخيب
لاني دنوعي خطوتي مطلوقة
ولاني عقور الغافلين ننيب
رحمة الخالق ما تجي من فوقه
علي زرعة اللي زارع الشر تغيب

لا نوارد غابي
ولانشرب الدله اللي ماي قابي
حتى ان كان في البين رقيق ترابي
سراب قايله ديما البعيد قريب
وروس العرب هم قرعتي واصحابي
نشكرهم صحيح ولاعلي تعيب
وذيل العرب مايعرفو باطلابي
حتى وهم خواجه هل شوي وركيب

لو متت مانرضى اوصاف زهيده
لجواد سيبوالي كل نوع نريده
بحساب يوم رفقتهم سنين عديده
ورفقة الذيليه نهار تشيب
بينهم مسافة واسعة وبعيده
الزينين للعفنين ويش يجيب
لجواد لا رقيق الدق نق غريده
سباع الخلا منهم الناس تريب
لايبخلوا لايركبوا القعيده
ولايعير بك اللي منهم تقول عطيب
لاعاد سوط ولا ركاب يصيده
علي جار جارهم هل عناه تهيب