يا ليبيا كل عام وأنتي أبخيــــر ....شعر

من طرف **جمال المروج** 2012-10-28, 11:31 pm

كل عام وانتي أبخيـــر .... يا حضن مليان أبحنان كبيـــر

يا ليبيا كل عام وأنتي أبخيــــر

يا ليبيا كل عام .... أتعيشي هناء وأفراح وأنسجام

يا ليبيا عنك جلاء الظلام .... عيدك بعد طاغي بعد تحريـــر

ياليبيا أنحبك أوما نلتام .... يا ليبيا حقي عليك أنغيـــر

يا ليبيا مهما أنقول كلام .... فالشعر ما نوفيك مالتقديـــر

يا ليبيا يا أجمل غلا أوغرام .... مش عيب فيك المدح والبنديـــر

يا ليبيا غيرك غلاه أوهام .... وأنتي غرامك يختلف عالغيـــر

يا ليبيا صيورهن ليام .... تو يبرمن وأيعاودن بالخيــــر

كل عام وأنتي ديمـــة .... حرة أو أبية أوشامخة أوعظيمـــة

يا ليبيا لنا عطيتي قيمـــة .... بعد ما حماك الله بالتكبيـــر

يا ليبيا أنقشعت عليك الغيمـــة .... بعد سال في سباك دم غزيـــر

يا ليبيا ماعاد فيك ظليمـــة .... أوماعاد عليك أنحكموا حقيـــر

يا ليبيا عقدك بدا تلظيمـــة .... أوكسرك بدا يبره بدا تجبيـــر

يا ليبيا عيدك بعد هالصيمـــة .... ينعاد يا حرة عليك أبخيــــر

أن شاالله ينعاد .... هالعيد وأتعاود وراه اعياد

يا ليبيا يا عشق فينا زاد .... يا وطن في سباه صار نفيـــر

يا ليبيا يا رمز للجهاد .... يا وطن بأبطال أوتريس شهيـــر

يا ليبيا يا ورث ماللجداد .... كل يد تسعالك أبشر أطيـــر

يا ليبيا يكفيك أسمك ساد .... من أوله نقروه كي لاخيــــر

منقووول