تسـتـاهـــــلي الحـــــنيـــة يلي على شانك الموت شوية

من طرف **جمال المروج** 2012-10-28, 11:56 pm

تسـتـاهـــــلي الحـــــنيـــة
يلي على شانك الموت شوية
يطيحوا تريس افداك ياليبيـة
...
يا شامخة فوق إجبال فريده
وديما عزيزة نفس دوم قوية
وديما عماها حـق دوم عنيدة
وماعاد غير الروح فيه هديــة
تستاهليها يا حزام الجيــــــدة

تستـــاهلـــــي فـــــزعــــتنا
وتستاهلي ميعــادنا ولمتنــــا
ولو كان في سباك جملة متنا
ماهو خسارة فيك يا المجيدة
يـــــا ســـــر فزعتا عما قوتنا
يا سمحة الصيفات والتهميدة
نفذوك يـــــا حرة ومــا همتنا
سيلت دمـــانا عالتراب بديدة

نفــــدوك يــــــا العــــــفيفــــة
يللي خديتي مــــــن جبلنا صيفة
كيف النسوم البارده في صيفـه
وكيف الدفى ع النار يوم جميده
يللي عليك القلب رفرف طيفـه
بالــــــود يــا حـــرة تكوني ريده
يا سعد مـــــن كنتي غلاه وكيفه
وكنتي عشيرة عمر يا الـــوديدة

تستـــاهلــــــي المحــــــافـــــل
وتستاهلي دونك تكون جحافـــــل
ودونك نموتوا في لحــروب قوافل
لاجل تعيشي فـــي الحياه سعيدة
ومــــو حال يدنى يوم منك سافل
ولا مــــــن يطولك يا شرفنا بيده
انتي صيفتك صيفة الريم الجــافل
ديما علــــــى لنظــــار دوم بعيدة
قداش دونــــك طاح فارس حافل
بالنصــــــر والتكبيــــر والتشهيدة
و قداش غـــازي راح ريحت غافل
خسر فــــي معارك ياسرا وعديدة
تستاهــــلي ديـــوان موش قصيدة
وتستاهلـــي إقــلادة ذهب وحديدة

منقول