صاحب شكالي

صاحب شكالي

--
صاحب شكالي م الغلا وجروحه..يحسابني مرتاح ناسي نوحه
--
حكى لي عنها
بنت الوطن ملتاع قلبه منها
الياس دمر دنيته وسحنها..خايف عليه ايصير "قيس" بروحه
صاحب شكالي م الغلا وجروحه..يحسابني مرتاح ناسي نوحه
--
تغزّل بيها
وتنهد في حسره وين فكر فيها
وصف زينها ورموشها وايديها..نزلت دموعه في صدق يصعب بوحه
صاحب شكالي م الغلا وجروحه..يحسابني مرتاح ناسي نوحه
--
وجعني حاله
وغيبة البسمه في قصته ومواله
ترا قول كيف اندير كان سواله..وكيف الدباره في الغلا وطروحه
صاحب شكالي م الغلا وجروحه..يحسابني مرتاح ناسي نوحه
--
يا صاحبي اعفيني
راهو سريب الحب سهّر عيني
جرّبت قبلك لوعته في كنيني..زايد شقاي اليوم دايخ دوخه
صاحب شكالي م الغلا وجروحه..يحسابني مرتاح ناسي نوحه
--
. .
حسين ارحومة التربي