lأيامن وكان البرق صادق نوه // من وحي الماضي

إيامن وكان البرق صادق نوه...النيه نظيفه موش نيت توا.

إيامن وكان البرق صادق جيه
علي وطن طارف عامته بدريه
ايحول البلط منها و فيه اميه
أمنات الهميله كلها أتروا
والضان في رواضين العفا مجزيه
تسعين يوم لا تضما ولا أتخوا
مروات مراض أمعا شفا أرعويه
طالقه عبس نين الشواكل حوا
واليوم في زرايب في جفا منسيه
علي أمخلب علفه يومها تصوا
أوااجد اللي قاني بلا هميه
أواجد اللي منها امراحا بوا..

إيامن وكان البرق سابق وانه
عقاب صيف والموكر بدا أهففانه
أتنوض قبل هلها عامده عالحانه
مالليل لولي داوي رعدها دووا
وباقي الغوش إيسقدو رحلانه
تريس إيتندو هل عصر وامروه
رحيل يوم والثاني إيجو لمكانه
شهير عندهم ماهو أزقاق أموه
وحق من خلقني فقدهم شوانا
ولا عاد صحبه لا أهناك آخوه
سبحانه اللي بدل اوجوه حنانه
بوجوه شارده تحلف اوجوه افتوه..

إيامن وكان البرق صادق جوده
يصادق عليه النجع ثاني عوده
ويباتو عليه إيغايزو في روده
إيريد يرحلو قبل الوطا تضوا
لمباكر الدار أصبحت منقوده
رحيلهم بعد صوه إيعقب صوه
متواجل بياح أمليات اجبوده
نزيله عمر فارق الصيف أبسوه
نين عالوطا طارح السيل اغروده
ترزز الراعي قال زينك دوه
وبشت اكحيله في مسارح هوده
وهلها غبا بنو فريق أمسوا
زمان فات يحكولي عليه اشهوده
ألا اليوم لاحوله ولاعد قوة...