دار الـــــقــــــدم

من طرف **dude333** 2014-03-16, 11:28 am

دار الـــــقــــــدم
خـايـف الـسـاع اتبـاكـن

وايصير يوم وانشيله الصوت امعاكن
وانغاب عزمنا مافيه مـن ينهاكـن

وبكية العاقـب فالخـلاء مشينهـا
واخذن نصيحتي ديرن عزايم راكن

دار الغوالـي موحشـه تلقنـهـا
اتريًب جباهـا فالظـلام الداكـن

وحتى خيوط الشمس ما يضونهـا
وكي تزدمن نـا والعزيـز فداكـن

هاذي فسالـه فـي مـا ترضنهـا
خـايـف الـسًـاع تنـعـلـن

اتشيطن بعبره والدمـوع اتشلًـن
فـي دار مـا فيهـا دلايـل دلًـن

في ما مضى صاحب غلاء ساكنهـا
خايف عليكـن تبرحـن واتضلًـن

في كل خطـوه شورهـا تمشنهـا
انكان تتبعن خودن الراي اوولًـن

في شان ايـش دموعكـن تربنهـا
وادعـن الله الصبـر بـه تسًلًـن

وعاللي فاتًا تخلـف بخيـر انعنهـا
خـايـف الـسـاع تنصـابـن

ويقولوا بكن ما شي يفرح جابـن
ونا نقول هايا للعـدو مـا تابـن

تقولن النزله ويـن نمشـوا عنهـا
هذي غيرها ما من مهاجـر سابـن

وما من دول هـد الزمـان مدنهـا
بجور الحكايـم والحـروب تنابـن

وجلًن عربهـا والوطـى احرقنهـا
ايام الزمان ان مـال مـا يتعابـن

هاذي نصيحه مالكهـول اخذنهـا
وانسال دمعكن نين المواقي طابـن

عاللي ساهله ضاعة ومـا جابنهـا
عـلـيـكـن خــايـــف

انجيتن لدار اللي سمـاح وصايـف
تبقـى علينـا تتًلـى الحسايـف

وراها معاكـن بكيتـي نضمنهـا
يخطر علي اللـي عليـه انرايـف

بعين ساهيا كمًيـن روح طعنهـا
ودور كي جناح البل انماح ضفايف

عمود قايله زنًت علـي امعطنهـا
وهي دايرا ذنًـان بيـن سقايـف

هواد الخلاء لكبار مـا اوسعنهـا
واتنوش العفاء واتشيلني ردايـف

وديمه اطراف الدير هـو موطنهـا
واحماتًا نهار الشوم خيـل نحايـف

انصار غزي من خيل الغزاء فكًنهـا
ركوبة ولد يندى انجـاه الشايـف

وقبـلا يتكلًـم حجتـا يوزنهـا
اللي مو مثيل ارناو خاوي زايـف

اللـي لاايفـرًح لـم لايحزنـهـا
من جاله انضاري عالعـزاز لهايـف

وها العقل في تنها ونـا فـي تنهـا
انغابن نهار ايجـن تقـول ولايـف

علي ما نهيت الدار مـا خطينهـا
خـايـف عليـكـن مـنـهـا

فيكن ايصير مصار كيـف تجنهـا

من طرف **STAR** 2014-03-17, 8:10 am

ايوا ايوا انعم صحيت يا غالي

رد: دار الـــــقــــــدم