يا الدجاجـــــة ....

السلام عليكم ..

هذه قصيدة تتغنى بالدجاجة .. اللي لها العرب الكل محتاجه .. مافيش بيت خلا منها سوا فريز او ثلاجة


مـــــانــــك الــلــي مــنــســيـه .. انتى هي عمار الدار والبونيه يا امـفلـفـه
يــــــــــــالـــــــــحـــــنــــونــــــــه .. يــامـنـسـلـه ملــلــى مــزخــرف لـــونــــه
انتى تستري وين الضيوف يجونا .. بـسـرعـه اتـجـيـنـا دحـيـتـك مــقــلــيــه
مـانـك مـثـيـل اللي أطوال قرونه .. بــوجـهــه الــشـيــن وصـيـحـتـه الـقـويـه
انتى ويـن تبقى علفتك بلهونه .. إدحـى ولــو تـطـولــي إشــوى إمــــيــــه
وتعيشى سواء شارع سوا بلكونه .. ســوا فــي قـفـص ولا أطـراف حـطيـه
يـــا مـدوره تدويـرت الـصـابـونـه .. حــوافــرك طــوال ومــشـيـــتـك مـرخـيــه
ومنقارك جميل وريشتك مدهونه .. تـــســـفـــا إن هــبــت إريــاح قـــويــــه
زمان لك مقام وحضرتك مصيونه .. وسـايـــر عـــلــيــك اعــنــاد بـيـزنـطـيــه
واليوم في الشوارع سايبه مركونه .. راس مـال تــمــيــتــي إلها المصريــه
مــانــك قــدا قطوس خضر عيونه .. عــلــيــك يــتــعــشــى فـي ذرا بـتـيـــه
ديـــكــــك ايـــــصــيـــح بـــقــــوه .. يــوعــى الــعــرب ويــن الـجـهـيـم اضـوه
خـايـل إن جاك ومشيته تتطوى .. يسرعـف كــمــا ضــابــط ألـفـين سريــه
وان عارك ايمرغد فالتراب عدوه .. جــنـــاحـــه كـــبــيـــر وحــافــره كــمــيــه
وان هاج عالعرب ماعاد تضمن سوه .. تـبـقـى تـمـيـح فـلفلته مثيل الريــه
وان كان هو ابقي هادى وسالك جوه .. لاســو يــبــقــى ولاهـنـاك سويــه
يـــــــا الــــــــدجـــــــــاجـــــــــه .. انــتــى هــي عــمــار الــدار والــتــلاجــــه
انتى لك الدنيا كلها محتاجــه .. عــلــيــك مــلـطــم سـار فـى الـجـمـعـيــه
واليوم تم مشروعك أيثوب عجاجه .. مــنــه الــثــعالــب جــالــيــات بـنــيــه
انـــتــى يـــــــا الـــبـــيــضـــه .. الــجــايــع اتــســدى فــى كــداه وغــيــضــه
لاورد تبـى لاتــريــدى ريـضـه .. لازول يــــاخــــذ مــــن وراك مــــــهـــــيـــــــه
ولاتخلفى بين لجواد قريضه .. لأنـــك شـــكـــل لاهـــي عــلــيــــك غــزيـــه
كمين فقرى اليوم سايل فيضه .. مـــنـــك امــعـــنـــقـــر فـــيـــلا مــبــنــيـــه
اتجيبي القـرش يا امخلطه .. بـــــيـــــــضـــــــه وحــــــمـــــــره وخــــــــــرش
ولونــك مخضب كيف لون المرش .. وكــرعــيــن صــفــر امـعـا سماحة جيــه
وريشك إنديروبه مخاد وفرش .. وبــعــد وكــلــتــك طــبــخــه سـوا مـشـويــه
يـــــــــا دحـــــــايــــــــــه .. مــاعـــمـــر خـــلـــطـــتـــي أوجـــوه ســـمايـــــــا
ويقولو الوسيلة تتضح بالغايه .. وانــتــى غــايــتـــك تــشــبــيــع الانسانيــه
وفحول شعرنا عنك اليوم سهايا .. لاذم لاشــــكــــروك يــــالدعــــــيــــــــــــه
الدايم الله يـاكـوكـايـــه .. كـــل وقـــت عــــنــــده فــــالــــزمــــان ضـــحــــيـــه
لـــــــيــــــك مــــــــزارع .. بـــانـــيـــنـــهـــن فـــى كـــل شـــوكــــــت شـــارع
عليهن نقش خطاط خطه بارع .. يــــوجـــد الــلـــي مــذبــوح والــلـي حيــه
جيتهن لقيت الدم فيهن تارع .. والــريـــش يـــمـــلا قـــبـــس حـــمـــادـيـــه
يادجيجه هابه عليك بوارع .. زمــانــك جــنـــا وانــتـــى الــلـي مـــجــنــيـــه
ياجايبه العتوقه يا امنسله .. امــــن الــــلــــي يــــــــعـــــــجـــــــب زوقــــــه
شهير اسم متسلسل ورايج سوقه .. مـــاهــــو ولـــد بــــطــــه وفرعونيـــه
قديم أصل ماهن خاليات أعروقــه .. بــــآمـــارة أبــقــى شــعــار الفرنسيــه
مــاتــسـتـحـقـى سـيـمـه .. ولاتــعـــبـــى فــــالزر والـــتــــجــــلـــيـــــــمـــه
ولاترحلى للمرج وامواهيمه .. عــــلــــيــــك فــــالــــحــــوايــــز يدفعوا ماليـه
ولاتقطعى جوبه ولاقريمه .. عــلـــى ربـــيـــع نـــابــت فــى أوطــان عفـيــه
موكارك أحذا أصحابك أقريب ديمه .. والــلــي يــكــســبـك مبرك عليه قنـيه
أيحقق المولى منيتك القديمه .. فــــى غــــيــــزه اطــولــى يوم يامبلـيـــه
يــــــــــادحـــــــــايــــــــــه .. مـــابـــلاك تــــغــــدايــــا لا تــــعـــــشــــــايـــــــا
عندك حلاوة حس واتكوكايه .. فــى مــسـمــع الــجـايــع صــحيح شفــيــه
ايباتن عتاتيقك أتقول سرايا .. ايـــحـــيـــدن داره كـــبـــد الــعــجــوز هنيـــه

للأسف لا اعرف صاحب القصيدة وهي منقوله من أحد المنتديات الليبية مع تصحيح في بعض الهفوات الاملائية من ناقلها

اتمنى ان تعجبكم .. وكل عام وانتم بخير

مشكور على الشعر الرائع..

مشكور حبه مسك بارك الله فيك

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل