بسم الله نبداه الكلام

من طرف منبوت الجبل 2010-01-07, 10:27 pm

بسم الله نبداه الكلام ........... انصلي عليه النبي ونسلم
عليكم خير يااجواد وسلام .....انكان تسمحولي انريد انتكلم
عندي العقل راكبا برام ..........وضني ان طول امعاه ايفلم
ديما ايريد الخلا ولاوهام ........ديما ايريداا الليل ايضلم
ديما امواقي دموعا اجمام ..... ديما يسته ديما امبلم
لكن بعذرا ماعليه ملام.........عزيز فينا نارا تشلم
وصار خطاه خلفلا عدام .........انموت وجرحا فعقلي امعلم
الي خلاه لا جهد لاعزام ...... لاصق عليه الياس ومسلم
ماعد ايجدد من جديد غرام .... البورا منها عقلي تعلم

محاولة مني في خاطره بسيطه ارجوا ان تنال اعجابكم