مرٌه مرٌه ,

مرٌه مرٌه ,,, انحس بكلامك فيه قسوه مره,,, امواير جفاك ايبانن ,,,مرٌه مرٌه
عــــــــــــــــــــــــــــلي ايتوقن ... امواير جفاك الواعرات ايروقن
نخاف العيون ايشوقن ما ايذوقن ... ودمعه على فرقلك تسقط غره
ونخاف كي نبعد بلاك ايروقن ... ونخاف فيك العقل يجحد سره
خاطي جلوتك رحلان ياس ايسوقن ... رحيل الغلا الغايب اللي ايضره
***
هـــــــــــــــــــــــــناك امواير ... ايبانن ايدلن ع الرفيق الباير
اياما ونا غالي علي اتساير ... نجفاك تسامحني انعود الكره
تجيني بسموحك عذر منك داير ... عندك رضاي عليك فيه مسره
وتوا سبابل ع الجفا ودباير ... ادور على اللي اتجيب لي المضره
***
امـــــــــــــــــــــــواير فيها ... قسوة كلامك ما انتوه عليها
اياما وعيني فالغلا شاريها ... راي كلامك كي شراب الجره
واليوم يانك اللي ناسيها ... حكاية غلانا و الدموع الحره
ما هوش كيف الاول ولوعك بيها ... امسيب العين و قاصها بالجره
مرٌه مرٌه ,,, انحس بكلامك فيه قسوه مره,,, امواير جفاك ايبانن ,,,مرٌه مرٌه
*************************************************

مشكورعلي المتابعه

مشكوراخى الكريم وهذا ماعودتنا عليه التميز دائما

التميز دائما في اسلوبك مشكور على المرور الاكثر من الرائع

مشاركة مميزة تشكر عليها

مشاركه مميزة وأعتقد ان هده القصيده للشاعر عبدالسلام بوجلاوي بارك الله فيك