كانـــــــــــــــــو غاليين ………….قصيد صح

كانـــــــــــــــــو غاليين …………. وهانو وين تموا مانيين
علي اعزاز

كانــــــو كيف روحـــــــــــــي …………. ومنها بد ضمادة اجروحي
وكانو سيل يلعب في اميوحي ………….. وجف اتقول صاغت فيه عين
كانو غاليين
كانـــــــــــــــــو يحلفو بي …………….. وكنت انقول من دمي وثوبي
ايــــــام زمان ياما قذروبي …………… وياما بي كانو شاقيين
وعالخرين كانو يفتخروبي …................ وفيه احرمي ماهم عاطيين
موش اليوم تمو يلعبوا بي ……............. لعب اقمار بين امخوجين
كانو غاليين
كانـــــــــــــــــــو لـــــك اريـاد ……….. ..غير عليك هك الله راد
عطيب الدرج من دون العـباد ………...... فيك البخت شاء الله زين
حتي وين غيث الله جـــــــــاد ……..........علي مبذور حارثته دفين
وغنزر كيف منبوت الســـماد ……….... الولده فيه تسوي ولدتين
وين قريب جا وان الحـــصاد ……….. ..المنجل طب في ايدين الاخرين
عمرك راح خديمه اجـــــواد …………. طلعتي لا بدنيا ولا بدين
كانو غاليين
كانــــــــــــولي زمـــــــــــــان ………..... بلسم جرح شواه الزمان
يداوي في ويصون المكـــــان ……......... من تلويث ايدين الحاسدين
وكنت انقول هم دار الحنـــان …............. وكنت انقول ليا وافيين
ولكن وين دالـــني الزمـــــان ……….... وتم الكوز في يدي ضنين
عملهم في موش امغير شان …………. وشينه وطن مجدب له اسنين
كانو غاليين
كانــــــــــــولي صحـــــــــيح ………..... دوا للعين والقلب الجريح
لكن وين ماعـــــدو بمــــــيح ……........ اوحود اخرين نشوهم اخرين
وتم السوق يالايــــا قبيـــــح …............. اخطفت احرمي والعيشه حزين
ولا قبيت يا راجــــل انطيــح ………..... عند اولاف ماهم ناصحين
كانو غاليين
كانــــــــــــولي احبــــــــــاب ……......... وكانو ود ماهمشي عذاب
وكانو لي ما ايطيقو غيــــاب ……….... وكانو وين وينك يا جنين
وكانو ضي ماهمشي ضباب …………. العين ولقلب فيه المسيطرين
ولكن تو واتنهم اشعــــــاب ………...... وفي وديان غيري نازلين
ولهم ماعد دايرشي احساب…………. ولي احساب ماهم دايرين
كانو غاليين
كانـــــــــــــــــــــــولي اولاف ……….... فيما فات وانياهم انظاف
وحتي وين ما ايصير الخلاف ……….... ديما عذر ليا لاقيين
انكانلي تو في سوق الــتلاف ……….... باول سوم في امربحيين
ياسبحان بدال الاوصـــــــاف ……....... سعتا وين وانا توا ويـــــــــــــــــن


وسلمـــــــــــــــــــــتو عــــــــــــــــــــيت ارفــــــــــــــــــــــــــــــــــــــــــــــاد

اللـــــــــــــــــــــــــــــــــــــه

فعلا قصيدة صح

صح لسانك يامحمد اللافي

كلمات جميلة تعبر عن احساس مرهف ومجروح ومتألم

اللي باعك بيعه يامحمد وماتحزن عليه

مشكور على القصيدة الحلوة

دلع ليبيا

اسلمتي اختي دلع ومشكور علي الرد والكلمات الرقيقه بارك الله فيك
اختي دلع حبيت انقولك موش انا الي كاتب القصيده ههههههههههههه
فرحني ردك ومتابعتك

ومنحاشن شوى غيرى كلا منبوته** عفيف خاطرى ما ايريض فيه اركيبه
الله ايسلمك ويخليك خوي يوسف نشهد بالله نك اطعمه وردك صقع
ابداع وذوق في اختيار القصيده بارك الله فيك وربي يعطيك الصحه

وكنت انقول هم دار الحنـــان …...... وكنت انقول ليا وافيين
كانـــــــــــــــــــــــولي اولاف ….... فيما فات وانياهم انظاف
وحتي وين ما ايصير الخلاف ….... ديما عذر ليا لاقيين
قصيدة صح صح لسانك يامحمد اللافي
بارك الله فيك وربي يعطيك الصحه

والله ردك هو الي صح بارك الله فيك خوي الاسطوره اجعنك ما اتغيب

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل

مشكور يا غالي علي المتابعه الصقع
وأسف جدا خوي ستار علي التأخير