الدنيــــــــــــــــــــــا

من طرف الاسطوره 2010-04-13, 1:36 am

الدنيا قليلة خير ياموعــــــــــــــــرها كانت عاكست يصعب عليك بحرها
***********
خلوة جيبـــــــــــــــــــــــــــــــــــــك مصيبة ويستعصى عليك حبيبك
تخلى عطيب القوم يستهز بييــــــــك اتريد دورة الزينة وما تقدرها
موش بخل لاكنتى اللى زاريبــــــــك قاصر جهد مايل عليك دهرهـــا
كان ديرت تستر خوافى عيبــــــــــــك وكان خاذلت ترمى عليك جذرها
** ** ** **
الدنيا صحيح غـــــــــــــــــــــرورة كان لاطشت الأنسان من مخسورة
ديموتن وهن فيه الشراب اجــــدورة وتحايى جدور اللى جدب طاقرهــا
تواطن اللى عايش حياة ميسـورة وترفع الخافى تحت من حافـــرها
مامن خواجة عامرات قصــــــــــوره بخير وخدم واموال مستبشـــــــرها
عليه وين مالاطت عشاء جاضورة خداه من عرب من قبل مستحقرها
واالى ينظره من الناس يمشى شوره ايريد ماطلع لله الأيد افقــــــرها
*************
الدنيا صحيح رزيــــــــــــــــــــلة ع الحى تقلب بين يوم وليلـــــــــــة
مرات تبقى هادية وجميلــــــــــــــــة اتجيب الطرايف يعجبك منظرهــــــا
نسومها يهب بعطر من زغليلـــــــة ايزول السحاب ايتوق ضى قمرهـــــا
واللى تريدها تاجد بلا تعطيلــــــــة واللى دفها تمشى بعد تفرهـــــــــا
وكان برمت كيف السراب اتزيلـــه زهاها هداك تبدله بكدرهـــــــــــا
*** **** *** ***
عيش حيـــــــــــــــــــــــــــــــــاتك كان ديرت تربح العز امباتـــــــك
وكان برمت نين ابظهرها جاتــك سلملها ع الحال لاتعافرهـــــــــا
صبح وصهيلهن جميع اوقـــــــات وخلك مع الأيمان به تقهــــــــرها
خليك مؤمن راه اللى جياتـــــــــك خير من وهاها كلها ودفرهـــــــــا

من طرف دلع ليبيا 2010-04-13, 2:01 am

مشكور يااسطورتنا على القصيدة

تقبل مروري المتواضع

دلع ليبيا

من طرف محمد اللافي 2010-04-13, 2:07 am

الدنيا صحيح رزيــــــــــــــــــــلة ع الحى تقلب بين يوم وليلـــــــــــة
مرات تبقى هادية وجميلــــــــــــــــة اتجيب الطرايف يعجبك منظرهــــــا
نسومها يهب بعطر من زغليلـــــــة ايزول السحاب ايتوق ضى قمرهـــــا
واللى تريدها تاجد بلا تعطيلــــــــة واللى دفها تمشى بعد تفرهـــــــــا
وكان برمت كيف السراب اتزيلـــه زهاها هداك تبدله بكدرهـــــــــــا

يسلمن ايديك يا غالي علي القصيده الحلوة
ابدعت في الاختيار والله

من طرف الاسطوره 2010-04-13, 8:01 am

مشكورين ياحلي اعضاء علي المرور المتواضع

من طرف اسماعيل ادريس 2010-04-29, 2:38 pm

منشكور على القصيده الجميله
اختيار مميز من عضو مميز
----------------------------
تقبل مروري

من طرف عبدالخالق طيب 2010-04-29, 2:58 pm

تحياتي لك

من طرف رؤوف عوض الجبالي 2010-04-29, 3:00 pm

مشكور على القصيدة المميزة ........ تحياتي

من طرف همسة شوق 2010-04-30, 2:15 am

صحيت ياغالي وربي يسعدك ويحفظك ربي لمن يودك ويغليك
تحياتي وأحترامي صديقتك همسة شوق

من طرف الاسطوره 2010-04-30, 2:27 am

مشكورين علي احلي مرور من احلي اعضاء المتواضيعون

من طرف يوسف منعم امهدى 2010-05-02, 8:00 pm

ليام علمني كل شي انديره نرضي بوضميرمع عديم ضميره
عودني عفه
مااتشطني الدنيا اولازخرفه
ذايق مرارته اوذقت اطرفه وخيارات عندي في الهموم اخيره
اخطا جارهن خلف النعش والزفه
باكي ادموع الفرح والتكديره
الدنيا اتعـزالنفس وتهفـه وكل يوم تنظرفي الزمان نظيره
احواش نمل ويشيلهن جمل في خفه
دون العنا ع النفس ماالتصغيره

الدنيــــــــــــــــــــــا 494103