لجواد عز وهيبه

للشاعر/ارحومه طوير الزويي
كلامي علي لجواد عز وهيبه** اللي صايبه يجوها بلا اتهنديبه
نحكي ديمه*****علي اجواد دياره اصحاب عزيمه
ذرا اوهيف لنقنهم نفوس رحيمه*ولافي طرفهم تلحقك تشويبه
رباية اليتيم بعز وبتكريمه*ابحسبة ضناهم عاطيين نصيبه
ايعدوا الملام ويعرفوا تلويمه*وجربت واجد والظروف كريبه
كيف الذهب في معدنه والقيمه*اعزاز نفس مايرضوا بدور عطيبه
سند للضعيف اللي تجيه ظليمه*معاه يوقفوا وقفة اتبان عجيبه
ضمادة جراح اللي جراح اليمه*ولدرب الصلاح ايرشدوا تصويبه
عن من قصدهم هل اريا سقيمه*وضيفهم يلاقوا فيه بتشرهيبه
امحلا وين ماتجيهم سماح الشيمه*في وجوههم تلقى الحيا والطيبه
***شهير نباهم**اونا دوم مانطرب الا بطرواهم
غنيين عن قولي جميل اسماهم*انظاف النوايا واخذيندريبه
دريبة الكرم والطيب من يسواهم*ويحاموا الطليب ان كان جاه طليبه
كلامي عليهم حق ماني واهم*اللي خاطري جللوا عليه تضبيبه
سوا احضور وللا من ابوادي راهم*هضوم فعلهم يفرض عليك اتجيبه
عليك ينشدوا حتى اومو يالاهم*ولك بسلام ايدز وقت الغيبه

مو خساره فيهم****ولا القول يسقم امفيت عليهم
الذاذ الجوار انزيد ونحييهم**الواحد ايجود بما ملك في جيبه
مايديروا الحاجه اللي اتواطيهم**حشاهم العوجه ماتكون قريبه
بنفوسهم ديما الله عاطيهم**نظر بعيد وعقولا صحيح لبيبه
عليك يعطفوا باللي تجي في ايديهم**من غيرامنه اتجيك لاتنكيبه
هضوم هم اللي مالي عرب خاطيهم**فوق من حمولتم نشيل صليبه
وهضوم هم اللي ترتاح وين اتجيهم**وبيت مضيفه بيتم طويل سريبه
ثابتين مازالوا علي مباديهم**مايهيس جور الدهر تقليبه
يالله كثرهم وبارك فيهم**مشاشة ادموع اللي اتنوح غريبه
-----مشكور اخي رونالدو على الملرور والمشاركه
تقبل تحياتي***اخيك اسماعيل ادريس****

ان رافقت رافق جواميل **** عليهم اتقاني احمولك
وان خاويت خاوي رجاجيل **** اجواد الظهر يسندولك
ان ناديتم جو معاجيل **** يا بال تضرب اطبولك
ولا تلتفت للعواويل **** ما ناهضه ينهضولك
وان مالقيت غير المهابيل ***** توكل وسافر بطولك

وسلمت خوي اسماعيل صح اللسانك وبارك الله فيك

مشكور يابواللافي عالمرور والمشاركه
تقبل تحياتي

تسلموكلام كلة طيب

مشكور يا غالى على ما طرحت