ايطوف عليها------

قصيده للشاعر --فرج لعشيبي--
تنظر ابليس ف الكعبه ايطوف عليها******************ولا العين نسياته غلا غاليها
ابليس انشوفه*****************************تايب وع الكعبه ايريد الطوفه
ونا العين عندي صايفه ملهوفه********************يبكي امرايفه علي عزيز عليها
اللي في الجواجي ناقشين احروفه******************ظروف الحياه والوقت ما تمحيها
ندعي ونطلب من الله الروفه********************يلطف بحال العين ويهنيها
ان مااقسم غالي اتكون حسوفه*******************وعله معاي مادوا يبريها
الغالي امعانا عاكسات اظروفه*******************لكن ابها بلكل انعازي فيه
عندي نهار العيد يوم انشوفه*******************ولحظة لقاه العين تفرح بيها
ايريد التوبه***************************تايب ويستغفر جميع اذنوبه
ونا لي غالي ماانسيته صوبه******************باني اقصور الصبر ومعليهن
ساس الرجا بانيه طوبه طوبه******************شموع الغلا في دنيتي ضاويها
والياس مانوافق علي مطلوبه******************رافض اشروطه كلهن لاغيها
لا جل امعايا عارفه ملعوبه*******************ايهدم اقصور صبري اللي بانيها
ايجيها طايف**************************تايب ومن يوم القيامه خايف
ونا ابشوقي ع العزيز امرايف*****************وداره بلا راده انحن انجيها
واللي كيف حالي مونته الحسايف***************حياة الندم م الوقت راضي بيها
لكن ابها بلكل حنون انرايف*****************وردة غلاي بدمعتي ساقيها

-----------------------------------------------------------------------
وسلمتووووووووووووووووووووووووووووووووووووووووووووووووووووووووووووووووووووووووووا

تسلم اخى اسماعيل على هذا النقل الجيد........والشكر موصول لصاحب القصيده

مشكور خوي بوفرقه علي مرورك

مشكور يا غالى على ما طرحت بارك الله فيك