فاض القلب

الشاعر السايح بوسيفي

فاض القلب والخـــــــــــاطر احزان ،،،،، وعينــــي الليل مالحظة غفت

وسنيني همـــــــــوم عمري كاتبات ،،،،، فــــــــــوق جبين ماضيا بقت

من التغبين وميــــــــــــلات الزمان ،،،،، غصـــــايص ياس ملتمه بدت

قدم معا يماهن جــــــــــــــــــــادات ،،،،، دروب الفــــرح لخطايا خطت

ونا م الصغــــــــــــر متشوق حنان ،،،،، زهايا لوع واحـــلامي اختفت

واحبــــــــــــال الوقت بقين بايدات ،،،،، ضــــــــاع العمر وايامه غبت

شايل هـــــــــــــــم مايطيقه انسان ،،،،، شي مايجيبه كلمــــات انحكت

وكيف تجيب اقــــــــــــلاما خاطات ،،،،، اللي م القلب صفحاته انطوت

مغير اليوم خطـــــــــــــرها المكان ،،،،، اللي بذكــــــراه ناري ماطفت

والدنيا دروب راهن واعــــــــرات ،،،،، مامــــــــن ناس دفنتها مشت

ومامن ناس سقيتها هــــــــــــوان ،،،،، ومامن ناس خلتـــــــها زهت

زهــــــــــــــاهم عمر تمن شايلات ،،،،، جوا القلب والفــــــرحه خدت

بطيب وود مشّكل الــــــــــــــــوان ،،،،، ومامن ناس بالدمعــــــه بكت

حمــــــــــــــول القل عنهم مايلات ،،،،، كواين نار جــــــــــواهم كمت

عــــــــــــزوم وصبر تلقاهن امان ،،،،، كان خطـــــــاك لخطاهم رمت

يجودوا الضيف ويحموا الخايفات ،،،،، ويفنـــــوا دون كلمات انعطت

ومامــــــــــن ناس تكشفهم خيان ،،،،، باعـــــــوا اصل ماضيها نست

بحــــــرهم شين امواجه غادرات ،،،،، امواج خـــــداع مالحظة صفت

كم من ناس خوهـــــــــــــا جنان ،،،،، من التقهــــــــــير بداها مابرت

عقول صغار فيهن جاهــــــــلات ،،،،، كم من خــــــــوت خلوهم شتت

محرومين من ضيم الزمــــــــان ،،،،، ونار الشــــــــوق فيهم ماطفت

من التغبين فواهـــــــــق كابرات ،،،،، الخو في خــــوه عينه مارعت

ارضاهم ليش يرضــــوا بالمهان ،،،،، يخلوا النفس للواطـــــي وطت

وايام العمر راهن راحـــــــــلات ،،،،، وعمر الذله ماحــــــاجه قضت

وعمر الفقر ماعمر مكـــــــــــان ،،،،، وعمــــــر الجهل ناسه ماهنت

وكلامــــــــــي راه عللي كاذبات ،،،،، خلـــــــــــو ناس بعماهم طغت

اللـــــي م الحسد صايبهن ادمان ،،،،، اللـــــي م الذل عيونهم ماعلت

وعزا ياعينـي فللــــــي ماشيات ،،،،، دموعــــــي نار ع لخدي جرت

ناس عــــــــــزاز غيبها الزمان ،،،،، من لوجــــــــود راحت وانتهت

تحياتي للجميع

الله ايسلمك اختي نور
مشكوره علي المتابعه

[color=red]مغير اليوم خطـــــــــــــرها المكان ،،،،، اللي بذكــــــراه ناري ماطفت[/color]

رائعة مثلك اخى باش مهندس

والله انت الي مانك عادي خوي فرج
بارك الله فيك ومشكور علي المتابعه

مشكور على ما قدمت دائماً مميز اخى الكريم

تسلم بواللافي