لا ماتجيب عدار

أدبيا اللي يعرف اسم الشاعر اسميه
لا ما اتجيب اعذار انريد نتركه مدعاك بأختصار
بعد سيتك

لا ما اعذار انريد ** ولا معا السوايا لعتذار يفيد

خلك بعيد ونا عليك بعيد ** يكفي خطاك اللي امعايا صار

تواعد وتخلف ليش لمواعيد ** تحساب الغلا سلوى ولعب اصغار

مانيش خاتم يلتبس في ليد ** ولاني رخيص النفس للغدار

نفسي عزيزة ع الوفاء ماتحيد ** وديمه اتريد الصوب بالاقدار

غرامك كان في قلبي إيزيد ** ونهاتي بيك في الليل والنهار

او لا فكرت في دورت جديد ** حتى وانت مامنك اخبار

لووك الناس تميتلي عنيد ** انقلت إيمين اتقولي إيسار

ابقيت امعاي قلبك من حديد ** علي اثر العيب بوبحت بأسرار

انسيت غلاك وانسيتك أكيد ** وين اسمعت سياتك اجهار

ودرت الصــــــــــــبر لجـروحي ضميـد

وغــير الله ما يأخــذ الثـــــــار





منقول