يا شوقنا للمحبيين

يا شوقنا للمحبيين ويا شهوه شى ليل نطربـــــــــــــا ...
لجواد والجود ؟ وين الدار رايتا نين مريبــــــــــا
اتقول خاليه من اسنين والله العقل غابى مصعبـــــا ... !
................
الكبد دارها م الحرابين اللى امغير قصره وقرضبـــــه
نين تنستــــه م الذوانين اللى هضا شاقى بمطلبـــا
وما يشغلا حال لخرين ولا ادموم صاحيب تكربــــــا
ان كان خاطبك با التلسوين تمضيغ للحديث وسلهبــــا
ايضيع العلل با التمصرين تطويق للحروف وجقهبـــــــا
تكره الغأتم م التجعوين واوكال للحروف ومغيبـــــــا
.................
وحال غايتى يا قرين ما تلومنى نين تشربـــــــا
عللى يلزمك فيه تمعين وكان لك عتب بيش تعتبــــــا
لو مخالف الشرع والدين ولا فيه دعوه لمذهبــــــــا
ولو مزاينـــــــه للكبابين ولا انريدبــــا مال نكسبــــــا
ولا انريدبــــا بين هذين وهذين نارا ملهلبـــــــــا
فتنه امغطيه با العوين اتثوب وين بيديك تقربــــــــا
ولا نعرضا فى الفتارين للبيع غير ما بيع اغلبــــــــــا
وان ردت عونته راه غلين غريق فى شواطيه دلعبـــــــــــا ...!!
.............
مرات ميل مرات ميليين مرات من مدانيه يسحبـــــــــا
ومرات ما الزعل والعطابين ايدير موج عاتى ويقلبــــــــا
ومرات يرتجف ما البراكين ايدير بصر شيل وشقلبــــــــا
ومرات با اللطف واللين ايدير مزن ويغيث مجدبــــــــــا
ولرياح يســــــــاق نين يداير اتشتابى عقربـــــــــــا
نين لوديا من العبارين ايواسن العالى بمسهبـــــــا
ولا انقدمو فى القرابين ولا جوادنا صار طقربـــــــــا
سيار يسحرك با الترهوين وان كان فاج على العين تحجبا
والغث نعرفو م السمين وما انجدبو فيه جندبــــــــــا
واللى حضنا مش تحضين نبوه غير مالى مخلبـــــــا
واللى ما اعلم يوم حطين كيف يوم ذى قار يحسبـــــا
عليــــــــــــــش نسردو فى الجرانين والقول ع لجوايد مطيبــــــــــــــــا ....!!!!

لجواد حيلهم فى الجبابين قليل وين يطرالهم نبــــــــأ
لجواد فقدهم يا وليفن اجراع مر ما ريت مصعبـــــــأ
وريت مصغره فى قزازين لو كان هنا ما راو مصغبــــا
وريت يصبرن فى وشاشين على القل من خوفا تنسبـــــا
عليهن الشينــــــــا شين حتى القل شوم وشخشبــــا .....!!!!
لجواد كارهم هو الزين لجواد هل سلام ومرحبا
لجواد يفرحو با لمظفين لجواد هل بشاشه وشرهبا
وما يكولسو فى التراكين اجذب افلان وافلان ارهبا
وفلان قربا ما القريبين واخجل افلان وافلان اهلبا
احنا قولنا ملك ما الطين على مهلى ناشيه واندبا
حتى نكرو فيه وحدين يصيد ناس عاشو تجربـــــا
وما يحايلو على القوانين تباعه الطريقا لنصبــــــا
ولاا يعرضو للفراتين بقول صار طيب وكبكبا
لجواد يطعمو فى المساكين واثنين وغريبين الجباء
لجواد صوكم على الطواحين ايزيد عزمهم فيه مرتبا
وميش خنصره على المقارين وشيل للحليب ودردبا
لجواد ديهم مش تعجين تعريض للكلام وجلببـــــا
لجواد ديهم مش تحجين تلويذ للحديث وعقربـــــا
لجواد ديهم با الموازين ترديع سمح وايجيك جرجبــــا
لجواد ديهم شغل تمزين يمطر بجور ويشيل سكلبا
وكيف يخطرو يا عزيزين اتسير فى الخياطه شنشبا
ويحوس خاطرى لاجل احذاه العين تجبر الليل نوح وشبشبا
والجود موش با روح تبيين تبويف با الحرير وخبخبا
الجود نعرفا حق مبين واللى مو امدانيه يذهبـــــــــــــــــــــــــــــا

بارك الله فيك على المشاركه

مشكور على هذة المشاركة الجد قيمة