عليهم حنت..

لا تقول غابـــوا لا العين أستنّت
وين ما لفوا فيســـع عليهم حنّت
***
لا رجت مـــــــــــشتاقه
ولا دلّها طول الــــرّجا وأشواقه
وين ما لفوا فيســـع نست نقناقه
موال الفراق ولا بــــحاجه منّت
ولا بالرجاء في أوهـام سود أرماقه
ولا بدمعه ســــاعة الناس تهنّت
حنونه أليا هفــــّوا أتجي منداقه
نديمة الليل اتـــــقول فيه تبنّت
صمت الأفكار وهــــمسه لشواقه
لو ثار الحنين بــــيد شوقي رنّت
***
لا رجــــــــــــت ولهانه
اتشاكي سهيل بـــــغيبته ورجانا
وتقولّلي طوّل نــــــباء ما جانه
وأنا نصبـــــــّرها وهي أتعنّت
تبّي أوهام من يـــقتل سواد عيانه
لهن سوتهن لـــــكن العين تمنّت
بالك بعد اغيـــــابه ايجي لمكانه
ضليله بعد هــــــلبة سيوله ونّت
عاشت رجاه بلـــــوعاته وأحزانه
لكن بعد جاها قــــــــديم تهنّت
سموحة عطاتها كــــان هان غلانا
وأن كان حنّ يلقــــاها لشوقه حنّت
***
ولا رجـــــــــــت دومامه
غفيره على دياره كــــحيل اميامه
ولا دلّها طول الرّجــــا ف أوهامه
باهي اللّي ما بــــعد ياس أنجنّت
سلامه أنسيهــــم يا العين سلامه
نا بالقلم نشـــــرح وهي تصنّت
وين بينّا فضّ الــــــملام ملامه
سالن مدامعــــــها خلوج وحنّت
وتقوللّي قديم قديـــــم غالي ياما
حتى ظنّ تنسى مــــا انظنّي ظنّت
***
لا تقول غابـــــوا لا العين أستنّت
وين ما لفوا فيســــع عليهم حنّت