غناوى عالعين.....ادخل وزيد من عندك

او لنضار\فهى التى ترى المحبوب للوهله الاولى\
وتعشق وتزن الامور وهى من تبكى وتذرف الدموع على فقد الاحبه وتعتبر وسيله للتعبير عن عواطف تغلى بداخل كل محب
ودائماالعين هى الملاذ الوحيد للتعبير وهى التى يضع كل الشعراء العتاب عليها
لشدة بكائها فى بقايا الديار
ولقد جمع المحب بين بكاء العين وتساقط ادموعها و الدار
كقول عبد الكافى البرعصى الله يرحمه\\خلنا ادموع نلقوهن\\قريب عالغنايا تنزحن \\

خليك فى رجا مولاك...عليك نين ياعين تنفرج

ايجيب ما اشتهيتك يوم يا عزيز لو كان البكا

انتي سبايبه يا عين غل عزيز لولاك ما ارسم

كلامك اخي الهيلع يسلسل المعاني بطريقة رائعة ..
وعندي تعقيب بسيط ..
مرات تكون عين العقل هي السبب ..
بدليل العشق بدون أن ترى المحبوب .. الصيت .. والمرسال .. وغيرها..

قدمك اوهام ايعمن&اخذي الراي يا عين عاودي،

جميع ما جرى للعقل العين في عقابه واوله

فالعين وين قابل صوب .... رفع الياس عينا دنقرت .

امنورين جميعا

"حبة مسك":
فالعين وين قابل صوب رفع الياس عينه دنقرت

معاند نسوم الياس غلا عزيز مازال ف النّما (محمود بو شعيب)

مشكور يا غالى على ما طرحت

مشكور على ما قدمت دائماً مميز اخى الكريم

الشريمة
يالعين قلنالك غني *** قلتي وين قلنالك خطر
بورواق
غني قلنالك قلتي وين *** تهايا قلنالك ياعين

لنظار شور دار اتعمي
وديتن وما وديتهن

ارياف داربك يا عين ع الدار نين جيتي رامية

1/العين وفراغ العقل ملاهن عزيز كلهن
2/زهيت يا جديد العين ندعى الله ما يجيب الخطا
3/حسايف العين كبار تنظر قديمين فى ايدين غيرها
4/هنيه اتبات العين ان كان صوب لولاف كملت
5/يا العين نا وياك لنا الله ما دام ما قسم
6/العين حالمه منام تفسير زها عمر مو ناظره
7/فرقاهم اعزاز صحيح ياالعين مو منامات خترفه
8/اصحاب الغلا يا العين نصيب غيرنا فيهم قوى
9/الله والنبى يا العين انسى سريب لولاف خيرلك
10/اللى يقولك يا عين انسى عزيز مو صاحب عدو
11/ان تهايا تسيل العين صبرها كملت
12/انتى ضاله يا العين بعد ثمان ياسات طامعه
13/بكت العين قال العقل انحنا قلال والى كلنا
14/تخطيرى لهم يا العين تهوين مو غلا فى بكيتك
15/تدير عيبها عالعين وتقول هى اللى حاست على
16/ترجى العين خامس ياس ترقيع فى غلا بايد لها
17/تريدك العين ربيع تزها بك طول عمرها
18/خليت يا العزيز العين غريبه مع واشونها
19/خلك من كلام الناس مع عزيز يا العين والفى
20/شاوى عليك الدمع ولا عزيز يا العين ناسيه
21/شدى عزايمك ياالعين يفنى العمر يابال الغلا
22/طعمه عمرنا ياالعين هلبت فى مرجاتنا لهم
23/ع العين خاطره وسمرت سهرايه غلانا لولى
24/عازيت ما نريد العين ترتزى فيه وارتزت
25/عزيز جا اصداف العين رعشت ما حوتك هدت
26/عزيز يا العين وراح اقضى العمر موجى بعلتك
27/عليهم شوى ياالعين بكيه اليوم والعام والشهر
28/العين فى ديار عزيز تندب تقول خلينى شوى
29/العين ما تريد دليل دودش غلاها بيدها
30/فزع العين غير ادموع على عزيز ما يوم طالبت
31/مازال واجعك يا العين فرقاهم اللى ماله سبب
32/ما من اللى يا عين قاطع لواك خاطى غيبته

انظر العين ترجى فيش** تعاقب الليل ومابكت

تساقط ادموع العين=وين يامراهين تخطرو

مخازن العين كملن نبي دمع نبكيبه سلف

عينك عين الي بجنحته رفرف دار عجاحه تحته

بلا قشوشه للنار=تشيط نوحلوا في ردمها

عيني ما نقدر ننهاها** فيه اوقات انعوز ابكاها

ياناسيين غلانا.ياراخيين العين من تلانا كيف حالكم

مكتوب يالعين عليك اتغالي عرب ويفارقو

اعزاز مالكين العقل ينساهم منامه يجيبهم

نا والعين فيك اوحلنا #### لا عرفناك مهتم لاهاملنا

فيه أوقات العين إيجنها..... تضايق نين ايبكنها

حسايف العين كبار تنظر قديمين فى ايدين غيرها

حسايف العين كبار تنظر قديمين فى ايدين غيرها

انكان في ابكي ارضاه مني عزيز حقا واخذه

خليت يا العزيز العين غريبه مع واشونها

ان كان ضاق بيك الحال ...اطرى الله يا عين تنفرج