حتي والرجا طال

حتى والرجا طال مازالت حال غايتى فى دناهم

لاهنت لاسع تحولت راس حرفتى هى رجاهم

ومالياس ياما تبهدلت وياما علينا زواهم

ومالناس ياما جفلت شامتين كثرت الغالهم

وكم يوم زامق ذبلت وحال غايتى فى رضاهم

وكم خايبا شين جاملت امغير قيلى من جباهم

وكم عيب ايوجع تحملت ونقول عدة افداهم

ونقفز وما عمر وكلت امغير ينطرا من طراهم

ونفزع وما عمر طولت انكان هندبونى ضناهم

ونشكر وماعمر طزلت امغير سالنى عن ادماهم

ونمرض وما عمر سولت وقصرن علينا خطاهم

فى شانهم عمر كملت امعازاة نبكى وراهم

ونقول بلكى كان توبلت يهب عون نصبح احذاهم

حتى وبختنا كان قبلت اللى بحروا جا معاهم

بارك الله فيك

مشكور على هذة المشاركة الجد قيمة