مانــك لعيني ضي

مانك لعيني ضي
جافيت كي واجد اغليت علي
عليك بالغنى
** مــــانك ودهـــــا **
ومانك احدود الناس بـيش اتردها
عرفت طريق ايام صوبي عـــدها
لا انجيك لا انريدك نهار اتجــي
ولا عد عليك انسال يـــدك ردها
راهو الندم ماعد ايفيد بشي
انكوي علي يدي ونوقف ضدها
ان شورك امتدت نا اتهون علي
بــيش في جديد ان درت سيه قدها
خليه دمعك يا مناي عصي
** مانك ريـــــــــــدها **
ولانك ليالي ضاويه في عيدها
ولا اتظن في مره جفاك ايكيدها
اشقى ابروحك لا اتكثر دي
وان سالت عليك ادموع منها بـيدها
امغيــر صاحبة عشره او ود نقي
كــلامي لمن عينه الذل ايصيدها
مش عين فانص كيف عينك في
** لانــك شوقهـــا **
ولانك مناة العين لانك روقـــها
ومانك فرجهــا في ضياق اخلوقها
ولانك زهاها لا زهاتن لي
ولانك ذهبها في متاجر ســوقها
ولانـــك علي لخرين زدت بشي
ولانـــك مطرها لا شكيع ابروقها
ولانك اريـــاح العون لانك لي
ومانك هناء للعين لانك بوقها
ولانك نباء لا صيت فوق اعلي
ومانك لعيني ضي
جافيت كي واجد اغليت علي
عليك بالغنى
للشاعر ناصر الدرسي

مشكور اخى على المعلومات القيمه

مشكور على هذة المشاركة الجد قيمة