نادم جداً

نادم جداً على عمر قبلك ضاع وايام ما ينعدن

ياريت لاقيتك زمان ياريت اسنين الحياة يرتدن

نلقا نى حبيتك ودرتك مناير صوبى

ونلقانى غاليتك ودرتك ونس لدروبى

درتك مراسى مركبى ومجدافه

ودرتك مسار الجدولى وضفافه

درتك دواء للجرح

وأنفاس صدرى وقلبه

درتك معانى فرح

وقنديل عمرى ودربه

درتك ربيع اسنينى

ودرتك مراود عينى

درتك رجاء ودرتك امل

درتك دواء درتك حبيب ودرتك الخل

درتك امانى درتك الحان درتك اغانى

درتك ونس للغربه

درتك خطاوى مدن

شكراً اللى جاملتنى فى غربتى واصلتنى

شكراً اللى سايرتنى وما يوم عمرى خنتنى

وشكراً اللى طاوعتنى وما يوم عمرك بعتنى

شكراً اللى كافيتنى

بغيم ومطر وبروق

وما يوم فيه خليتنى

انعانى حنين وشوق

شكراً اللى داويتلى

فيا جوارح صدن

وشكراً اللى وفيتلى

فرحات ما ينعدن

اسف على عمر منى ضاع

واسنين ما يرتد ن

وأسف جدأـاـًاـًاـًاً

اشرف - كما اسلفت مشاركاتك قيمه وفى الاتجاه الصحيح

هذه القصيدة للأديب الشاعر عبدالحميد الذيب
للأمانه الأدبيه كا من الواجب عليك ان تذكر ذلك او على الأقل تذكر انها منقوله
سلاماااااااااات

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل