كـــــش مــــــلك...

من طرف **زهرة اللوتس** 2011-08-15, 9:55 am

كش ملك مات يا ملك الملوك
الملك لله وحدة مش للطاغوت
الملك لله دوم
واخد الحق من الظالم للمظلوم
واعد شهيدة بجنة الخلد تدوم
وأنت لجهنم ,حسابك عسير وما تذوق فيها الموت.
أحنا اليبيين احرار
احنا جدنا رمضان والمختار
احنا فزعنا فزعة الثوار
نمحو عفن ذكراك وما درت و صار
احنا ما نسلم
يانعيشو عيشة عز وغيرنا يتعلم
وكان متنا ارواحنا تكلم وندعو ربنا بشهادة نموت
احنا طرابلس عروسنا وبنغازي نفوسنا
ومصراتة الي بيها رفعنا روسنا
احنا الزاوية للطغيان هاويه
احنا اجدابيا ودرنة والبيضاءَ
للعدو ما نسلم يا ننتصر ولا نموت سوا.
احنا الزنتان ويفرن ونالوت احنا غريان
عزوم كي صخر الجبل ومعدن اصيل في جهادة ايبان
احنا كل قرية ومدينة
وين ما نادت ليبياالغالية فزعنا وجينا
التهديد والرشوة ما ياثر فينا
نفوساً عفيفة ما تهاب الموت
لا حبوب خذينا ولا بحمد الله للوالين عصينا
احني مغير نبو شهادة من الله تجينا
ونطهرو ترا بك من الجبروت
فوق الاربعين وإنتا تذبح فينا
ظلم ودناسة وكل الصفات الشينة
صبرنا وتم صبرنا والنصرمن الله يجينا
وعد حق من ربنا سبحانة صاحب الملكوت
كش وبرا يلي ماملكت من الأنسان حتي ذرة
كذب وخساسة وهبال مايتوري
ليبيا بلادي موطن الاشراف أجدادي
وانت وضناك الي مكانك برا
فزعنا فزعة الحر
ياقاتل الروح وين المفر
تسكن قُطر ولا تطير ولا تخش البحر
وراك ضنا حرة تجيب الخبر
وليك يوم يا ظالم وقربلك هذاك اليوم
وكش مات
.طارق بن إسماعيل