انت حرة

بسم الله الرحمن الرحيم


انت حرة خيرك برة ناسك عاشت عيشة مرة
حكمك طاغي زاد افشره يتلذذ بشعبه ايضره
انت حرة
انت يازينة الاوطان ترابك غالي ماينهان
الي حكمك ماهو انسان الي واصف ناسه جرذان
انت حرة
كيف سكتنا يا مظلومة النصر قريب وجت علومه
بثوارك قربنا يومه والمولي يزود فهمومه
انت حرة
قريب فناكم هل بنغازي الي منكم ناسي وعزازي
يريد فناكم كيف النازي الله رحيم قهر هالغازي
انت حرة
تاريخ امسطر يا مصراتة الي قرب المنية جاته
عيلكم ضحي بحياته دحرتوه الطاغي والاته
انت حرة
يا عز رجالك يا زنتان مافيكم خاين جبان
الي منكم علق نيشان وشرفتوا كل البلدان
انت حرة
جبل العزة جبل نفوسة ما خاين برجله ايدوسه
غطاك حرير لباس عروسة يا مولي تبقي محروسة
انت حرة
يا زاوي رميك علمنا دروسك في الجهاد فهمنا
حميم ونار علي ظالمنا ولولاكم خفنا وسلمنا
انت حرة
ناس زوارة زادوا ناره القذافي الي فلت عياره
جيش كتايب من فجاره بدبابة و زنوج كفارة
انت حرة
عروس بحرنا الي محاصرها الزحف قريب وبنحررها
قيود سنين و بنكسرها وجهنم منا بينظرها
انت حرة
رايتنا نجمة وهلال علي الساري دارت زلزال
تعليتي بارواح رجال انت العزة يا زهو البال
انت حرة
انت حرة خيرك برة ش ناسك عاشت عيشة مرة
حكمك طاغي زاد فشره يتلذذ بشعبه ايضره