بكت بكتني

من طرف opengod2000 2011-08-27, 9:21 pm

بكت بكتني .. سالن دموعـي عبرتـي خنقتنـي .. وقتـا تلاقينـا

ونـا بكيـت معاهـا .. ومـا تريـد والـي ع البـكـا ينهـاهـا
وينما بكت بكت اللي يالاها .. ونـا زاد لاخـر دمعتـي سبقتنـي
ياما نهيت العين عـن مدعاهـا .. لا تبعّـت رايـي ولا سمعتنـي

بكـت مشتاقـه .. ونــا مــن بكـاهـا لوعـتـي حـراقـه
لاغيتها دارت جديد علاقة .. الحمت نارها كاس الغـرام سقتنـي
ونا بالعيون السود مالي طاقة .. وهي بالحراب الماضية طعنتنـي

بـكـت بكّـايـة .. العـيـن مالـهـا سـيـرة ولا سهـرايـة
أمفيت ما علي ماضي قديم معايا .. عليها خطر حاست بعد راعتني
ونا من حذاها غير كامي دايا .. مشيت شورها عطف الحنان همتني
بكـت منظـامـه .. تبـكـي بـكـا عـيـل نـهـار فطـامـه
عليها خطر ماضي وجا لوهامه .. شلال دمعها داير اللي شغلتنـي
وراها الخاطر رايجات رمامه .. إلا مغير قسميتي اللـي غلبتنـي

بكـت وانهالـت .. يـامـا جــرى للعـيـن يـامـا عـانـت
لا سلّمت للياس لا استكانـت .. ولا نسيتـه م البـال لا نسيتنـي