اصعب قرار خذيتا

اصعب قرار خذيتا **** اللى بيك يربطني خلاص انسيتا

واحســن قــرار
خذيتا قرار **** لا يشمل نقــــاش لا حوار

ولا عليه انلوم لا اعتذار **** انريد منا لا سلام انجيتا

نادم وراه المشيتى مشوار *** وبيدى رفعتا في السماء عليتا

واجمل قصائد قالهن نزار *** اسلوبا عجبنى ع العزيز قريتا

وقتله الجنة اتريد والا نار **** ادلل وقول تريد اين ميتا

يا صدر دافي يا كتاب اشعار **** خايف تركتا والخيار عطيتا

وزيدنى فيه اجنون وعشق فيه امرار ** وكنك قتلت القلب راك حييتا

جميع ما بنيتا في غلاه انهار **** وكيف ما نوالى ع الفراق نويتا

اليوم ع العواطف نفرضا حصار *** حتى وكان قلبى معترض حسيتا

القيتا ضرورى ما هناك خيار **** يمارس العقل امعاه دكتوريتا

لاجل سوايا م العزيز اكبار **** ولاجل عزاء ماعاد فيه القيتا

ولاجل حملتا فىّ ياما دار **** ولاجل عزيز امعاى سوداء نيتا

كمين لفت نظر.. له وانذار **** القيت فصلتا م القلب حل قضيتا

قرار وجاير **** لكن عزيز امعاى ياما داير

دورت واجد مالقيت دباير **** كم عيب قابل والنظر واطيتا

صابر انمشى في العزيز انساير **** وحامل خطاه وفيه ما عابيتا

مرة انقول امغير عقله فاير **** ومرة انقول العيب فىّ القيتا

غالى علىّ وما نريد خساير **** على قيس ما نقدر خطاه كميتا

امغير نا انصبح والعزيز ايعاير **** وانشد سلكه ما نشد رخيتا

راحل وراه ولا نزل لا طاير **** بين السما والارض بانى بيته

مشـــــــــــــــــكور....

مشكور بارك الله فيك وتقبل مروري

قاسي قلبك ههههههههههههه
ما قلت ها الكلام الا وهي مازالت قاعده

مشكــــــــــــــــــــــــورين ع المـــــــــــــــــــــــرور

غالى علىّ وما نريد خساير **** على قيس ما نقدر خطاه كميتا
والله مـــــــــــــــــــــازلت حاير ياارياف