قـــــــــادمـــون

قادمون نحو الطاغي مهما ايكون ... ان سخر ربي


قادمون نحنا من البيضا ... بالشعب الي فايض غيضه
عالطاغي مض فريضه ... طاح حكمه شرع و قانون
من البيضا همه و جضيضه ... من البيضا قلبه مطعون


**
ان سخر ربي من البطنان ... و الشعب امصمم في الميدان
نحو الظالم مهما كان ... ايكره من تحت البدرون


**
قادمون نحنا من درنه ... صممنا عالراي و سرنا
نطلب في ربي ينصرنا ... عالكافر و الظالمون


**
قادمون نحنا من المرج ... فرداً فرداً درج بدرج
القذافي في موقف حرج ... متضايق وضعه بالهون

**
ان سخر ربي من بنغازي ... شور الي حكمه متمازي
هتلر رقم اثنين النازي ... خلفت ثمود و فرعون


**
قادمون من أي مدينه ... البريقه والا زويتيه
واجدابيا منها لك جينا ... ياللي بالسلطه مفتون


**
قادمون احنا من شرقا ... شور الطاغي تزحف برقه
جيناه قباله مي سرقه ... نحنا احفاد اهل المقرون


**
قادمون نحنا من الكفره ... بيت ابيت او حفره حفره
ياكافر في شعبه كفره ... بين اعدام و بين اسجون


**
ان سخر ربي لك من سرت ... ياللي فينا ياما درت
ثروتنا برا ودرت ... واحنا حالتنا بالهون
وانت اليوم خلاص كفرت ... وانسيت ربك رب الكون


**
ان سخر ربي لك من سبها ... وتينالك مامن جبها
تكذب ما تقدر تقربها ...نحنا في حلقك كانون


**
ان سخر ربي من مصراته ... شور معاقل سيف وباته
ايفر َانكان ايريد حياته ... ما يتبع بوه المجنون


**
ان سخر ربي من بن وليد ... ومن زله جينا تجريد
وابراك الشاطي المجيد ... ومن ترهونه واخرا هون
الطاغي لنا جاب عبيد ... الهم دافع مامن مليون
علينا جندهم تجنيد ... امتاعين سكير و افيون


**
قادمون من الزنتان ... ومن نالوت و من غريان
نحو الزاويه باي اثمان ... قتل فيها مامن واشون


**
ان سخر ربي من نافوسه ... ومن ككله ويفرن بخصوصه
الطاغي بجيوشه وافلوسه ... مو قاري قصة قارون


**
قادمون بكل اصرار ... زنقه زنقه دار بدار
نحو الطاغي و التيتار ... انمشو كم دمعة قزون


**
قادمون بكل حماسه ... فيه اسلاح وفيه اسياسه
ادوارتنا راها في راسه ... ابناخي باراك و شمعون


**
ان سخر ربي لك بالصبر ... زنقه زنقه شبر بشبر
يا قذافي تخرج جبر ... من غزة خرجت شارون


**
ان سخر ربي شورا نحنا ... نحنا من حكمه في محنه
من يوما فيه اصبحنا ... ماعاد لنا قابل عون


وأسلمتوا يا أحرار