مصراته

ما نسياته ايبارك الله الله فى مصراته احقوق وطنها من محال

بارك فيها ياالله مصراته اللى نعنيها
اتزيد عزّها باالعز وتزهيها الا فخرها امعروف كيف خذاته
امعاها انكبر وينما نطريها ابدم الشهيد اترابها روّاته
قوه ابقوه ياالله عطيها اومنك اطيور اتشلها قواته

بارك فيهم ضناها اوبارك ياالله غاشيهم
امعاك يفزعو ودّك امغير اتجيهم كبير قومهم يظهر ايلم عباته
ابجود اوكرم تاخذ اللى فى يديهم ارباية عصر ماهم اللى شحاته
امصطّر ابدم اجدودهم ماضيهم لا ايبيع لا يشرى عدو خلاته
ياالله منك غايتى تحميهم اوتمسح ادموعا حاميه فلاته

ياالله ما تنساها اوياالله منك عون زيد ضناها
وقهر ابسرك ياالله اعداها اوياالله قرب نصرها سعاته
غاليه علينا اوكل يوم غلاها ايزيد ما نقص فى جوفنا لمحاته
لذيذ عندنا تما اليوم اسماها اوعلقم عليه اللى ابنار شواته
اولا اتخيبا ياربنا مسعاها ونصر اللى مظلوم قبل اماته
ياخالقى اوخالق انجوم سماها اويامن خلقت اتمورها ونواته
تحفظ شباب اوشيبها ونساها والغايب ايعود اويفرحن خيّاته

يالله يا معبود يالله مصراته عليها جود
يالله منك مدها بجنود امع اجنودها تكسربها شوكاته
ضنا السويحلى خلف صحيح افهود دون العرين ايدافعو ابسماته
اللى قبلكم منها مشى مطرود يابال كيفك جرد وزلاماته
امنين ما اتجيها ريحا بارود ياحيف قالت كى انطيح شماته

مشكــــــــــــــــــــــــــور اخي ,,,,

مشكــــــــــــــــــــوره ع المــــــــــــــــــــــــــرور