ميخوذ من غلااااااااااااااااااااااااااااااااااااااااا

من طرف اسماعيل ادريس 2011-10-09, 11:44 pm

قصيده للشاعر/عبدالقادر الجراري

ميخوذ من غلا كمت في كمت""""""""""خذاني بهمت
سحبني معاه ومالغاه فهمت
ميخوذ من غلا طمر في طمر"""""""""يالابس الحمر
اتحيي الخاطر في نهاية لامر
حامل وشايلهن لهايب جمر""""""""""ابموسك رشمت
كنيني وجروحي ع العباد كتمت
انموج وراك اتقول شارب خمر""""""علينا ان خطمت
ايضبب سمانا وين ماابتسمت
وحتى وبينا يفرق حساب العمر""""""ابحورك عمت
سوا تقسمي والا عليك لطمت
ميخوذ من غلا طعن في طعن""""""وانظاري اطمعن
في بوخدادي اتقول برق اشكعن
وريتن انظاري ماعليه اقدعن""""""ظمايا انظمت
انعاني اهموم اللي عليه اهجمت
ميخوذ من غلا دس في دس""""""كل يوم ع النص
زايد ومن داه ياني أننس
وجروحه معاي فالكنين انحس"""""ماظني اسلمت
فيت بزول ان صادرني برمت
عيونه السود امعرقات الحس""""""خللني خرمت
التوبه ونا قبل ديني عصمت
وكل يوم من اجراره فالنقص"""""ع القوت صمت
وكاره الدوج وحد ماكلمت
ميخوذ من غلا قهر في قهر"""""م الياس والدهر
امكمل حياتي في اهموم وسهر
واسبابي اجروحك سر ماهو جهر"""علي ماحجمت
لاطب جابهن ولادوا دلهمت
ميخوذ من غلا لمس في لمس""""""خذاني بهمس
وحاير مانعرف اليوم من امس
واضح تم كيف القمر والشمس""""""عليك زدمت
واثنين كبدي ياامناي قسمت
قليل وصفها مالقاهره للخمس""""""هللي اردمت
الماضي اللي في سماها عمت
ومجور غلاها مايجيبه طمس"""""لنقانها اشلمت
عقلي ولاغيرها بديله رمت
ميخوذ من غلا غم في غم""""""وكنيني اعدم
وغاب النوم شور عيني احرم
واسبابي الغالي بوغثيث الضم""""اللي وين نمت
ايجيني ايعاود وين ماانسجمت
ميخوذ من غلا يوم عن يوم""""""ايزيد ونلوم
ف الخاطر وعيني مالفاها نوم
وراهن جرتني علي ديموم""""""خلتني اندمت
ورافع ايدي وشي ماحتمت
ميخوذ من غلا دكم في دكم"""""غلاي شايل عكم
وتمت الغاته كي الغات البكم
وجاهراتني ليام،صفع ولكم"""""كم صوب درتهن وم الياس ماقدمت
::::::::::::::::::::::::::::::::::::::::::::::::::::::::::::::::
وسلمتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتوا
ميخوذ من غلااااااااااااااااااااااااااااااااااااااااا 196635