مــــــــاشي كـــــلامك نااللي غــــــلطان

من طرف هنو ليبيا 2011-10-18, 9:25 pm

مــــــــاشي كـــــلامك نااللي غــــــلطان
نـــــــــــــــــــا اللــــي غـــلــطــــان ،،، درتك حنون وقلت ماتنهان
ماشي كلامك لي
ماشــــي جمــيـــع كـلامـــــــــــــــك ،،،، نساك خاطري هانك وهان ايامك
لايــريد قربـــك ولايـريــد غــرامــك ،،،، لايـــريد ودك ولايــريد حنـــــان
بدا خاطري حافظ جميع أفلامــــــــك ،،،، أفلام مخرجك مستهلكات أتبــان
خلاص شيلني من خاطرك وأحلامك ،،،، عول علي النسيان والهــجــران
طـــــاح أقــنــاعـــــــــــــــــــــــك ،،،، وبان الخفي عالعين بان أخداعك
تحسابني خاتــم رهيــن أصباعـــك ،،،، لاوراس راســك مانــروم هوان
بصاعين وأزيـــادة انــرده صاعـك ،،،، عزيــز نفــس خالقني الله سبحان
أنفوتك ومانقرب عفا مرباعـــــــك ،،،، حتي أنــكــانـي محتاجلك شرقان
جميل شكل لاكن خاربات أطباعك ،،،، ولــطـبـاع قبل الشكل فـالأنـسـان
طـــاح ألحـــافــــــــــــــــــــــــك ،،،، واليوم عالحقيقه شين عـقلي شافك
عاريات مافيــهــن أوراق اعرافك ،،،، ذابــــل ويابــس عــود ليـك زمان
كاذب علــيـــك أموهمك عرافــك ،،،، قــالــك بــلاك أتـلـفنــي لـكـفـــان
تغير أحساسي من خطاك وعافك ،،،، مـــايحــس منــك دفــئ لا أمـــان
عالرف راكنهن جمـيــع أمــلافك ،،،، في أرشيف الحياة وقفلت هالبيبان
أبعـــد بعـــيـــد علــــــــــــــــــي ،،،، الله يسعـــدك مانــريد منك شــي
ولاعــد غلاك اليـوم يشغــل فـي ،،،، بــعــد الجفــا والهجــر منك بان
ولاتهمني شاقي أو كـنـت هنـــي ،،،، ولا تهمـنـي رويـان لاعطـــشـان
ولاتهمــني مدفــون والاّ حـــــي ،،،، أن مش فالحقيقـة متـت فالأذهان
طاب خاطري منك نفضت أيدي ،،،، وأحنا اليوم واللي كان راح فكان

من طرف hawa-36 2011-10-18, 9:29 pm

من طرف محمد اللافي 2011-10-18, 9:33 pm

بصاعين وأزيـــادة انــرده صاعـك ،،،، عزيــز نفــس خالقني الله سبحان
مشكورة علي القصيدة الرائعه

من طرف الطائع بواسماعيل المريمي 2011-10-19, 12:08 am

مكشور علي القصيده الجميله

من طرف هنو ليبيا 2011-10-19, 12:36 pm

مشكوررين اختى ع مرورك
ومشكورر اخى محمد ع زيارتك
يسلموووو

من طرف **العاشق الصغير** 2011-10-20, 2:28 am

مشكـــــــــــــــــــــوره علي القصيده

من طرف هنو ليبيا 2011-10-21, 11:49 am

مشكورررر اخى العاشق ع المرور

من طرف يوسف الصوصاع 2011-10-31, 8:43 pm

مشكوووووووووووووووووووووره عالقصيدة احسنتِ

من طرف زرقــ؟؟ــــاوي 2011-11-09, 5:56 pm

حنون اوافي......وخليك ديمه في حنانك صافي
وخليه قلبك بالمحنه دافي ....وبيع الجفا وشري ربيع أرضاي
ولا تغيب عني لاتود خلافي .....ولا تحير لاتسمع كلام أعداي
..... مــــــــاشي كـــــلامك نااللي غــــــلطان 53112