غفيــــــــــــــــــــــــــــــــت....

غفيت ونا ناسي ماصار .. اوعيت علي تلذيع النار
غفيت ونا ناسي لقدم .. اوعيت انهاتي غير ابهم
غفيت بعد فض النقناق .. اوعيت علي عيطت لفراق
غفيت ومافي عقلي شي .. اوعيت علي نقناق غني
غفيت اموسوس من يالاه ..اوعيت علي عياط اخطاه
غفيت ونا مافي ادموع .. اوعيت الا ناوي ع النوع
غفيت ونا صوبه ناسيه .. اوعيت قديم علي طاريه
غفيت منام شغلني ريت .. اوعيت عقاب الليل بكيت
غفيت بعد تطفاي النار .. اوعيت علي حس الكبار
غفيت علي ايدين الهواي .. اوعيت وهو يبكي يالاي
غفيت ونا في دوج الناس .. اوعيت علي قولت لاباس
غفيت وهف قديم علي .. اوعيت وانا نشلي بيدي
غفيت ونا ناسي لولاف .. اوعيت علي لوعة وارياف
غفيت علي ايدين الزازاي .. اوعيت القيت الياس احذاي
غفيت بعد نوعين اطوال .. اوعيت علي قولت مازال
غفيت ونا جرحي بريان .. اوعيت الا نثغي اثغيان
غفيت بعد فضيت عزاه ..اوعيت علي قولت نرجاه
غفيت ونا مافي اجروح .. اوعيت الا شافق ع الروح
غفيت ونا هاين مرهون .. اوعيت اتقول علي كانون
غفيت ونا ناوي لفراق .. اوعيت علي قولت مشتاق

...............

صح السانك

مشكــــــــــــــــــــــوره يارناد

ميمي يا سموحا صحيتي

مشكـــــــــــــــــور خوي عاشق ع الطلة السمحة..
ايسلمك نـــــــــــــــــوسة ياسماحة..
نورتوا..