رد على قصيدة مازال يا شراقة

شوفو كم واحد جبان .... كان راضي بحكم العصابة
يحكي توا عالزنتان ..... حكاوي ملعونة كذابة
كذاب وحاقد فتان ..... اللي يقول عليهم خنابة
... للعالم قالو بيان ..... وين دز الطاغوت كلابه
جاهم بفلوس وسلطان .... ودلعهم بالوصف احبابه
قالوله قيسك سكران .... بنغازي لنا رحابة
اصحاب وخوت وخلان ..... ما معاهم لوم ولا عتابا
في بنغازي يوم الثورة ...... لجروحي كنتو ضمادة
بيكم ثورتنا منصورة ..... ماخفتو الطاغي واعتادا
وحدتو الكلمة بالشورى ... يوم الطاغي زاد عنادا
في الجزيرة صوت وصورة..... قلتوها من غير اعادة
ما نبو سيف ودستورا .... ولا نبو الطاغي واولادا
نبو ثورتنا منصورة ..... والليبي يزها بأعياده
في كل بلادي ثوار..... تحية مني للزنتاني
اللي عمره ما دار العار..... في بلادي ماهو براني
استشهد في ميدان النار.... رزق الدنيا عنده فاني
تنسو في فضل الثوار ..... وتحكو كان غلط وحداني
غيرة ولا حسد نهار ..... ولا مقصودة بالعاني
الزنتاني فارس مغوار ..... في طبعه مخلص حقاني
في بنغازي تهل انوار .... يوم تجينا يا زنتاني
ورد وياسمين ونوار..... مكانك محفوظ وفوقاني
وخليه يموت الثرثار..... خذا رشوة وخلاني نعاني
يداعك يخلص بالدينار .... نموت بلا رحمة خلاني
مهما يصير ومهما صار .... بنغازي تعز الزنتاني