طليت كي لغراب

لا عاد حرس لا تاج لا جمهور
طليت منفجع من حوشك المهجور

طليت كي الغراب
متذارى ورا سيسان حوش خراب
بعد كنت كي تزعق الناس اتهاب
اليوم يضحكوا لباطك اللي مقعور
اسنين صبرنا فاضن علي لجناب
بعد غربها والشرق جاك الدور
أربعين عام ما مليت يا كذاب
تكذب وحايطين بك اشهود الزور
جعنا انفقرنا وانت والأذناب
عايشين في عز وهنا وقصور
احروب وخساير فوق كل احساب
وتعويض تدفعه من رزقنا مجبور
شوف كم لي في بوسليم أنصاب
وشوف كم فى احبوسك اللي مقهور
ربك يجيب الحق مهما غاب
ويزهى اللي كان خاطره مكسور

مشكور يا العاشق

مشكوره يامي

مشكــــــــــــــــــــــــوره يازهرتنا