اوصــــيــك

راه العمر لو طال ما طال .. لابد يوفى مديده

والدهر راه قلاّب حوّال .. وكل يوم يجبد جديده

وردّ القضاء راه مُحال .. لاأتنقصّه لاأتزيده

والحرّ راه حمّاق مزعال .. حتى أنكان ماهيش فيده

والحَمد راه هو خير لقوال .. والصبر راه نعمة أكيده

لانوصفك وصف بأمثال .. لاحظ أظروفاً شديده

سامع وناظر وجوّال .. وماشي العلاَ والهويده

وسيع بيت للضيف وكّال .. لاَي جقهَبه لانقيده

وفزّاع للغير ساوال .. على سيّته كي أتصيده

ولعاقب العرب دوم نشّال .. وعيّد لها يوم عيده

ولاعمر ذمّوك بأهبال .. ولاعمر جيت للزهيده

ولاعمر رافقت لَنذال .. أهل الوجوه شينة بليده

ولاعمر تمّيت ضهلال .. فى وان عزرَه شديده

مع صاحبك دوم فعّال .. وحاسب أحساب البعيده

وخصمك أتقنتيه بأعقال .. يرغي أرغاة القنيده

وصيتك كما صيت الابطال .. مذكور كيفما أتريده

وأسمك على صالح الحال .. ونقبك على نوع صيده

خذيت قرعتك موش مازال .. بأيام عزّ وسعيده

واليوم خلّيك حمّال .. وكل يوم عنده ضديده

ونا عارفك سيد الرجال .. وصاحب أدباره سديده

وقاري الكوثر والانفال .. ويونس وهود المجيده

وعارف تباديل الاحوال .. وفعل القدر فى عبيده

لا أتحوس لا يضيق لك بال .. ولاأتقول دوّه نكيده

وصلّي على خير الاجيال .. شفيع أمته من وعيده

شكرا لمجهوداتك

مشكــــــــــــــــــــــــــــوره ياتويتي

لكم مني كل الشكر على المرور والمتابعة

مشكـــــــــــــــــــورة اختـــــــي ,,,,

ومشكورين على المرور والمتابعة وفقكم الله وبارك فيكم