قولولهـا كثـرن مواجعـهـا وكـثـرن عـذارهـا

قولولهـا كثـرن مواجعـهـا وكـثـرن عـذارهـا
وفي كم طعنت غـدر مـن خناجيرهـا........طلبت الدواء ع الجرح حطت بزارهـا
قولولـهـا شـاهـد الله وظمـيـرهـا........علي صلحنا وشهـدو معـاي اكبارهـا
قولولها هـي حلفـت ماعـاد اديرهـا........وليش اطعنتنـي قبـل يطلـع نهارهـا
قولولها مليان كثر خيرها .......... فيه بادره بيمينها ويسارها
مواجع نهلـب هـذى وتجـي غيرهـا........ما فـى المواجـع موجعـه نختارهـا
قولولها اللـي هنـاك فـى مطاميرهـا........اللـي ميرتهـا لــي زاد امتـارهـا
وقولولهـا مـا يصـح نبقـا عشيرهـا........عشرة نكد فى الريق عاقـد امرارهـا
وقولولها من توة خاطـي مصاديرهـا........يغنينـي الله علـي أمـيـة ابيـارهـا
وقولولهـا شـن معـنـا تفاسيـرهـا........ردت علـي جـواب جيـب أبذارهـا
وقولولهـا مـزال ذاهـب خبيـرهـا........عليهـا كـذب تقـازهـا وشبـارهـا
وقولولهـا ملوقـت تاخـذ محاذيرهـا........راه كــل دار مصـادرتـا دارهــا
وقولولـهـا يقـطـع الله تدبـيـرهـا........وذاهـبـا كــان متبـعـا دبـارهـا
وقولولهـا فـى شـى واجـد يعيرهـا........راه كسر الخواطـر واعـر اجبارهـا
وقولولها العذار حصـرن سكاكيرهـا........وطاح من علي وجه الحقيقه خمارهـا
وقولولها خلاص عرفت جملت تفاكيرها........قولولها خلاص عرفت لعبـت قمارهـا
وقولولها قريت السر فـى مناشيرهـا........قولولهـا حليـت عقـدت اسـرارهـا
وقولولها لاي طيـري ولانـي طيرهـا........لا نحطت نحـط ولا نطيـر بمطارهـا
وقولولهـا كيـف تريدنـي نستشيرهـا........وهي ماعلـي تـرد فيهـن اشوارهـا
قولولهـا قـزون نحـرق حريرهـا........كي ماتريد تحـرق حريـري بنارهـا
قولولـهـا مـنـي الله لا يثـيـرهـا........اللـي زارعتـا فـى تاكـل اثمارهـا
قولولهـا مليـت مــن جراجيـرهـا........يوم لـي مواجعهـا ويـوم لمصارهـا
قولولهـا م سـدر يخلـص حريرهـا........ولا عاد بنيـة بيـوت قابـل عمارهـا

مشكووور

متابعه رائعه اختي
مشكوره لمرورك

وقولولها لاي طيـري ولانـي طيرهـا........لا نحطت نحـط ولا نطيـر بمطارهـا

هذا بديع الوصف...صادق العاطفه

ما شاء الله عليك...مبدع...وترد الصاع صاعين
وفقك الله

مــــــــــــــــــرورك رائع أخي سيف
نــــــــــــــــــورت صفحتنا بمرورك الرائـــــــــــــــــــــــــــــــــع

مشكــــــــــــــــــور وبارك الله فيك يابو ادريس

مــــــــــــــــــــروركما رائـــــــــــــــــــــــــــــع