يــامـــا حــقّـــت ...

يــامـــا حــقّـــت ... ياما مشت ف اوطان يامـا لقّـت
العين ياما
يــامـــا راعـــــت ... يا ما شرت ف الصوب ياما باعت
ياما علـى فقـد الغوالـى ناعـت ... فيت الحسايف عمرها مـا طقّـت
دوّارة شكل يامـا عليـه إدّاعـت ... و ياما على باب الخطايـا دقّـت
يـــا مـــا الـتـاعــت ... وياما مشت ف دروب فيهن ضاعت
مايوم صلّت لاخشـت لا طاعـت ... اكبار الذنوب كبار منهـن نقّـت
يـــا مـــا ضــلّــت ... يا ما مشت ف اوهام يا ما زلّـت
ما يوم منهـن غيهبـت لا ملّـت ... ظلام طابق فيهن سـواد اغمقّـت
ما عمرها فى يـوم عينـى ذلّـت ... إدّاعت على لخطار فيهـن شقّـت
يــامـــا ذاحـــــت ... يا ما بكت بدموع يا مـا ناحـت
يا ما كثير ذنوب فيهـن طاحـت ... بلا كيل لا ميـزان منهـن وقّـت
يا ما كثير اسـرار بيهـن باحـت ... ويا ما عيون كبار منهـن جقـت
من سحرهن تحتار فيهـن ساحـت ... يا ما بكت يا مـا عليهـن زقّـت
واليوم تابت م السريـب ارتاحـت ... حصاد زرعها عينى اليـوم تلقّـت
بقولة ندامه يـا جماعـه صاحـت ... تمت حنونـه اليـوم راهـا رقـت
~~~~~~~~~~~~~~~~~~~~~~~~~~~~~~~~~~~
وسلمتوووووووووووووووووووووووووووووووووووووووووووووووووا

سلمت يداك على هذا الطرح الرائع

تسلمي شموخ
ونورتي صفحتنا

بوجودك زهرتنا ...رأيك يهمنا

مشكــــــــــــــــــــــــــور يابو ادريس

العفــــــــــــــــــــــــــــــــــــــــــــو عـــــــــــــــــــــاشــــق
مـــــــــــــــــــــــــــــــــــــرورك أســــــــــــــــــــــــــــــعدنــــــــــــا