ماطلعت بشى

ما طلعت أبشــــــــي ..... خاطي تبهديل والعذاب قوي

حبيت لكن ما طلعت بشــــــــــــي

طلعت أبحيــــــــــــرة ................. وأهموم واجد واعرة ومريرة

أوقلبي أسكر صارله تضريرة ..... ظلام في ظلام اليوم ما في ضـي

أوعلي كل فم أبقيت ضحكة وسيرة ..... طالع أنفض مالغلا في أيدي

مكسور ما تنفع أمعاي جبيرة ..... مجروح ما يقدر طبيب علـــــــــــــي

وين ما أنروق أتصيرلي تخطيرة ..... والجــــــــرح ينزف وين قلت أبري

أوماعاد بالأمكان نعشق غيرة ..... أو لوكان في عيني غلاه أحلـــــــــي

جتني الصدمة في العزيز كبيرة ..... سلمتله والغدر كان خـفـــــــــــي

عني رحل لا عذر لا تبريرة ....... باهي اللي مازلت توة حــــــــــــــــــي

طــــــــــــــــلعت أنـــــــــــش ..... قدر غلاي أوطيبتي بالغـــــــــــش

وأتقول شايل غل فيا فـــــــــش ..... موقف رماني فيه ما هو لــــــــي

غاب ونساني في هناي ربـــــش ..... تاريتني غافل وكنت غبــــــــي

بلاني أبياس أفكار عقلي خـــــش ..... مادار فيا من جفاه أشــــــــوي

خدعني أوقلبي في هواه أنغــش ..... نحساب روحي في غلاه هني

خداني لحم بعدين في نهــــــش ..... رماني أعظام أبكل عزم قوي

ما طلعت أبشــــــــي ..... خاطي تبهديل وعـــــــــــــــــذاب قوي

حبيت لكن ما طلعت أبشــــــــــــي